काठमाण्डौ । मर्जर प्रक्रियामा रहेका दुई जीवन बीमा कम्पनीका कर्मचारीहरुले आफूहरुसँग छलफल र सहमति गरेरमात्र मर्जर प्रक्रियालाई अन्तिम रुप दिन माग गरेका छन्। 

मर्जर प्रक्रियामा रहेका प्राइम लाइफ र गुराँस लाइफ इन्स्योरेन्सका कर्मचारीहरुले संयुक्त मर्जर समितिलाई ज्ञापनपत्र बुझाउँदै यस्तो माग गरेका हुन्। यी दुवै कम्पनीका तर्फबाट कर्मचारी संघहरुले संयुक्त मर्जर समितिका संयोजकलाई ज्ञापनपत्र बुझाउँदै विभिन्न माग अघि सारेका छन्। 

प्राइम, गुराँस र युनियन लाइफ इन्स्योरेन्स हाल मर्जर प्रक्रियामा छन्। 

प्राइम र गुराँस लाइफको कर्मचारी संघले संयुक्त ज्ञापनपत्र बुझाउँदै ७ बुँदे माग अघि सारेका छन्। आफ्ना माग पूरा भएमा कडा कदम चाल्न बाध्य हुने कर्मचारीहरु चेतावनी दिएका छन्।

यस्ता छन् माग 

  • कम्पनीमा कार्यरत सबै कर्मचारीहरुको रोजगारी सुनिश्चित गरिनुपर्ने।  
  • कर्मचारीहरुको सम्मानजनक रुपमा समायोजन गरिनुपर्ने। 
  • कर्मचारीहरुले खाई–पाई आएको तलव भत्ता सुविधा एवं कर्मचारी विनियमावली एवं सामुहिक सौदावाजीको माध्यमबाट प्राप्त हुदै आएका सेवा सुविधा कटौती गर्न नहुने। 
  • मर्जरपश्चात कर्मचारीहरुले पाउने तलबभत्ता सुविधा र अन्य सेवा शर्तमा विभेद गर्न नहुने।
  • कर्मचारीहरुका लागि सम्मानजनक÷न्यायोचित स्वेच्छिक अवकाश (भीआरएस) को योजना ल्याउनुपर्ने। 
  • मर्जरपश्चात कम्पनीको नयाँ बन्ने कर्मचारी विनियमावली बनाउँदा कर्मचारी संघको छलफल र सहमतिमा निर्माण गरिनुपर्ने। 
  • नेपाल बीमा प्राधिकरणले जारी गरेको कम्पनीहरुको गाभ्ने गाभिने र प्राप्ति गर्ने निर्देशिका र सोसँग सम्बन्धित परिपत्रहरुमा व्यवस्था भएबमोजिमका कर्मचारी संग सम्बन्धित विषयको कार्यान्वयन गरिनुपर्ने।