काठमाण्डौ । नर्भिक इन्टरनेसनल हस्पिटलले विश्वस्तरीय कस्मेटिक एन्ड डर्माटोलोजी सेन्टर सञ्चालनमा ल्याएको छ। 

अस्पतालले केही समयअघिदेखि एम हाउस परिसरमा निर्माण भएको नयाँ भवनमा कस्मेटिक एन्ड डर्माटोलोजी सेन्टर सञ्चालनमा ल्याएको हो। 

कस्मेटिक, स्किन तथा कपालसँग सम्बन्धित समस्या भएकाहरुलाई लक्षित गरी नेपालमै गुणस्तरीय स्वास्थ्य सेवा उपलब्ध गराउने उद्देश्यले अस्पतालले व्यवस्थित डर्माटोलोजी सेन्टर स्थापना गरेको अस्पतालका प्रमुख कार्यकारी अधिकृत अजयकुमार मिश्रले जानकारी दिए।

उनका अनुसार हाल यो सेन्टरमा डा. सिरपा बज्राचार्य नेतृत्वको टिमले सेवा दिन थालेको छ। 

छालामा भएका विभिन्न समस्याहरु जस्तै- acne, scars, warts, exzema, psoriasis, skin cancer, skin infection, skin biopsy, moles/skin growth, dermatologic surgery, skin allergies  भएकाले नर्भिकमा आएर अत्याधुनिक सेवा लिन सक्नेछन्। 

यस्तै botox, medi peel, hydra facial, laser hair removal, laser scar reduction, fillers, collagen induction therapy, non surgical face tigthening, platelet rich plasma therapy, laser removal of moles, skin tags, warts etc. जस्ता सेवाहरुसमेत नर्भिक कस्मेटिक एन्ड डर्माटोलोजी सेन्टरमा उपलब्ध हुने डा. बज्राचार्य बताउँछन्। 

बज्राचार्यका अनुसार नर्भिकको यो सेन्टरमा देशका अरु अस्पताल वा यस्तै सेन्टरभन्दा राम्रो प्रडक्ट उपलब्ध हुनेछ। ‘आवश्यक सबै उपकरणहरु अरुभन्दा निकै नै स्तरीय र अत्याधुनिक मगाइएको छ’, उनले भने, ‘उपकरणहरु आउन केही समय लाग्छ। ती उपकरण पनि आइसकेपछि नर्भिकको यो सेन्टरमा कस्मेटिक र स्किनसँग सम्बन्धित जुनसुकै समस्या निराकरणको विश्वस्तरीय पूर्ण प्याकेज उपलब्ध गराउन हामी सक्षम हुनेछौँ।’ 

नर्भिकले विगत ७ वर्षदेखि डा. सिरपाकै नेतृत्वमा स्किनसँग सम्बन्धित स्वास्थ्य समस्याको ओपीडी सञ्चालन गर्दै आएको थियो। अहिले त्यही सेवालाई बिस्तार गरी कस्मेटिकसमेत थपेर वृहत रुपमा नयाँ ढंगले सञ्चालन गरिएको हो। 

डा. बज्राचार्यसँग कस्मेटिक र स्किनको समस्या निराकरणका लागि काम गरेको ८ वर्ष लामो अनुभव रहेको छ।

नर्भिकमा डा. बज्राचार्यको ओपीडी सेवा आइतबारदेखि शुक्रबारसम्म मध्याह्न १२ बजेदेखि अपराह्न ४ बजेसम्म सञ्चालन हुने व्यवस्था मिलाइएको छ।