काठमाण्डौ । भोलि जेठ २ गते भैरहवास्थित गौतमबुद्ध अन्तर्राष्ट्रिय विमानस्थलको उद्घाटन गरिँदैछ। यो दिन नेपाल एयरलाइन्सले काठमाण्डौ–भैरहवा–काठमाण्डौ उडान भर्ने भएको छ।

नेपाल एयरलाइन्सको ए३२० न्यारोबडी विमानले काठमाण्डौबाट बिहान ६ बजे भैरहवाका लागि उडान भर्नेछ। यो विमान भैरहवाबाट बिहान ८ बजे नै काठमाण्डौका लागि उड्नेछ। 

यसअघि नेपाल एयरलाइन्सले वाइडबडी जहाज ३३० बाट परीक्षण उडान गरेको थियो। 

नेपाल एयरलाइन्सले काठमाण्डौ–भैरहवा–काठमाण्डौ उडान भर्न ४ हजार ५१० रुपैयाँ र ७ हजार ४० रुपैयाँ गरी दुई प्रकारको मूल्य सार्वजनिक गरेको छ। 

भोलि कुवेतबाट जजिरा एयरवेजले पनि गौतमबुद्ध अन्तर्राष्ट्रिय विमानस्थलमा उडान भर्नेछ।