काठमाण्डौ। रोडिज सिजन ५ को यामाहा फिल्ड अडिसन नेपालका विभिन्न सहरहरु हुने भएको छ। 

रोडिज सिजन ५ को यामाहा फिल्ड अडिसन पहिलेको भन्दा ठूलो, भव्य र थप शक्तिशाली हुने आयोजकको दाबी छ। यो अडिसन देशको उल्लेखनीय विविधता झल्काउँदै सहभागीहरुलाई अविस्मरणीय अनुभव प्रदान गर्दै नेपालभरका विभिन्न यामाहा शोरुमहरुमा हुनेछ। 

यामाहा शोरुमहरु भोलि जेठ १३ गते इटहरी, जेठ १४ गते हेटौँडा, जेठ १७ गते नेपालगन्ज, जेठ १९ गते पोखरा र जेठ २१ गते यामाहा ब्लू स्क्वायर काठमाण्डौमा अडिसन हुनेछन्। 

यी अडिसनहरुमा सहभागीहरुले रोमाञ्चक चुनौतीहरुको सामना गर्नेछन् र निर्णायकहरुलाई प्रभाव पार्न आफ्ना सीमाका पर्खाललाई पनि धक्का दिनेछन्। अडिसनहरुले उनीहरुको साहस, दृढता, र टिमको रूपमा काम गर्ने क्षमताको परीक्षण गर्न डिजाइन गरिएको गहन शारीरिक र मानसिक कार्यहरुको शृंखला प्रस्तुत गर्नेछ। 

आकांक्षी रोडिजले आगामी सिजनमा स्थान सुरक्षित गर्न र रोडिज सिजन ५ को प्रतिष्ठित शीर्षकका लागि प्रतिस्पर्धा गर्ने मौकाको लागि आफ्नो क्षमता प्रमाणित गर्नुपर्नेछ।

यतिमात्र नभई यामाहासँग आफ्ना सबै डाइ–हार्ड फ्यानहरुका लागि पनि कीिह विशेष छ। मिट एन्ड ग्रिट नामक भेटघाट सत्रमा प्रशंसकहरुले आफ्ना मनपर्ने रोडिज प्रतियोगीहरुलाई भेट्ने र नजिक हुने अवसर प्राप्त गर्नेछन्। 

यामाहा शोरुमहरु बर्दिबसामा जेठ १२ गते, चितवनमा जेठ १५ गते र जेठ १६ गते बुटवलमा हुने भेटघाट र अभिवादनसत्रले फ्यानहरुलाई रोडिजका ग्याङ लिडरहरु र होस्टहरुसँग अन्तरक्रिया गर्ने विशेष अवसर प्रदान गर्नेछ।