लोकसेवा विशेष सामग्री

काठमाण्डौ । लोकसेवा आयोग विशेष सामग्री प्रस्तुतिको आज हामी १५ औँ भागमा आइपुगेका छौँ । आज पनि हरेक साताझैँ हप्ताभरि घटेका समसामयिक घटनाक्रमसँगै नमुना प्रश्नपत्र तपाइँहरुमा पस्केका छौँ ।

विशेषगरी लोकसेवा आयोगले परीक्षा लिने विभिन्न निकायमा प्रतिस्पर्धा गर्न तयारी गरिरहनुभएकाहरुलाई अभ्यस्त बनाउन यो सामग्री हरेक साता यो सामग्री प्रस्तुत गर्दै आएका छौँ । हामी निरन्तर उत्कृष्ट सामग्रीसँगै परीक्षामा सहयोगीसिद्ध होस् भनेर खोजमूलक सामग्री तपाइँहरुमाझ लिएर आउने गरेका छौँ । त्यसैले यो सामग्री पढेर निरन्तर अभ्यासमा लाग्नुहोला ।

समसामयिक घटनाक्रम

क्युवामा ४३ वर्षपछि प्रधानमन्त्री नियुक्त

सन २०१९ डिसेम्वर २१ मा म्यानिअल मर्रेरो क्रुज क्युवाका प्रधानमन्त्रीमा नियुक्त भएका हुन् । १६ वर्षदेखि देशको पर्यटनमन्त्री रहँदै आएका मर्रेरो पाँच वर्षको लागि क्युवाका राष्ट्रपति मिगेल डियाज–केनेलद्धारा नियुक्त भएका हुन् । क्युवामा ४३ वर्षपछि प्रधानमन्त्रीको पद पुनस्र्थापना गरिएको हो । सन् १९७६ मा पूर्वराष्ट्रपति तथा क्रान्तिकारी नेता फिडेल क्यास्ट्रोले प्रधानमन्त्री पद हटाएदेखि अहिलेसम्म कोही प्रधानमन्त्री नियुक्त भएका थिएनन् ।

अत्ताहुर रहमान पुरस्कार

त्रिभुवन विश्वविद्यालय केन्द्रीय रसायनशास्त्र विभागका उपप्राध्यापक डा. अच्युत अधिकारीले अत्ताहुर रहमान पुरस्कार पाएका छन् । ५ हजार डलर राशीको यो पुरस्कार युनेस्को अन्तर्गतको एकेडेमी अफ साइन्सेस फर डेभ्लोपिङ वर्ल्डले प्रत्येक वर्ष विकासोन्मुख मुलुकका वैज्ञानिकहरुलाई दिने गरेको छ । उनले नेपाली टिमुरमा विगत ६ वर्षदेखि अनुसन्धान गर्दै आएका छन् । अधिकारीलाई नेपाल विज्ञान तथा प्रविधि प्राज्ञ प्रतिष्ठान (नाष्ट)ले यस वर्षको उत्कृष्ट युवा वैज्ञानिक पुरस्कारबाट सम्मान गरेको थियो ।

“सगरमाथा“ तारा र “लालीगुराँस“ ग्रहको नाम

सन् २०१९ डिसेम्वर १७ बाट इन्टरनेसनल एस्ट्रोनोमिकल युनियनले १०० औं वार्षिकोत्सवका अवसरमा सौर्यमण्डल बाहिर रहेका तारा र ग्रह नामकरण गर्ने क्रममा नेपाली नाम पनि परेका हुन् ।

सगरमाथा (एचडी १००७७७ ) : सगरमाथा तारा करिब १ सय ७२ प्रकाश वर्ष टाढा छ । यो तारा सूर्य जस्तै छ । सूर्य साढे ४ अर्ब वर्ष पुरानो हो भने यो तारा करिब २ अर्ब वर्ष पुरानो हो । यो ताराको एउटा मात्र ग्रह सन् २००७ मा पत्ता लागेको छ ।

लालीगुराँस (एचडी १००७७७ ‘बी’ ) : लालीगुराँस ग्रह सौर्यमण्डलको बृहस्पतिभन्दा करिब १.१६ गुणा ठूलो छ । यो ग्रहले आफ्नो ताराको एक फन्को लगाउन ३ सय ८४ दिन लगाउँछ । यो ग्रहमा जीवको सम्भावना छैन ।

विश्वकै सबैभन्दा कान्छी प्रधानमन्त्री

फिनल्यान्डकी सान्ना मरिन (३४ वर्षीय)
१० डिसेम्बर २०१९ मा सपथ ग्रहण
सोशल डेमोक्रेटिक पार्टीले यातायातमन्त्री मरिनलाई सरकारको नेतृत्व गर्न चयन गरेको
प्रधानमन्त्रीको पद सम्हालेपछि मरिन विश्वकै सबैभन्दा कम उमेरकी पदासीन प्रधानमन्त्री बनेकी

६९ औँ मिस वल्र्ड २०१९

६९ औँ मिस वल्र्ड २०१९ टोनी अन सिंह ले जितिन ।
उनी जमैकाकी नागरिक हुन ।
१२५ देशका सुन्दरीहरूलाई पछि पार्दै टोनी अन सिंह ले उक्त ताज जितिकि हुन् ।
फस्ट रनरअप फ्रान्सकी सुन्दरीले जितिन ।
मिस नेपाल (२०१९ अनुष्का श्रेष्ठले टप १२ मा पुगी ‘मिस वल्र्ड प्रतियोगिता’ अन्तरगतको मल्टिमिडिया अवार्ड र ब्युटी विथ द पर्पोजको ताज हात पारिन् ।

लेखक : तिलाचन सापकोटा

तलको नमुनाप्रश्नपत्र हल गर्नुहोस् –