लोकसेवा आयोगद्वारा शाखा अधिकृतको परीक्षा स्थगित

काठमाण्डौ । माघ २८ गते सञ्चालन हुने गरी तोकिएको राजपत्रांकित तृतीय श्रेणी शाखा अधिकृत वा सोसरह (अप्राविधिक) पदको परीक्षा स्थगन भएको छ।

लोकसेवा आयोगले सोमबार विज्ञप्ति जारी गरी सर्वोच्च आदालतबाट जारी भएको अन्तरिम आदेश कार्यान्वयनका लागि आयोगले ती तहका पहिलो र द्वितीय चरणका परीक्षा कार्यक्रम अर्को सूचना नभएसम्मका लागि स्थगन गरिएको जनाएको हो।

आयोगले राजपत्रांकित तृतीय श्रेणी, शाखा अधिकृत वा सोसरह (अप्राविधिक) पदको पहिलो चरणको परीक्षाको मिति यही माघ २८ र द्वितीय चरणका परीक्षा आगामी चैत २१ गतेदेखि सञ्चालन हुने गरी तालिका सार्वजनिक गरेको थियो।

- RSS

 

---