काठमाण्डौ । नेपालको ब्रायन एडम्स् भनेर चिनिने सबिन राई र उनको ब्याण्ड ‘द फेरोह’को ‘तिम्रो लागि’ टुबोर्ग ओपन सेसन्स् सिजन २ मा सार्वजनिक भएको छ । 

टुबोर्ग र च्यानल आरबिट्ररीको प्रस्तुती टुबोर्ग ओपन सेसन्स् एक युट्युब सिरिज हो जसमा स्टुडियोमा प्रत्यक्ष रेकर्ड गरिएको सांगीतिक प्रस्तुतीहरु पेश गरिन्छ । उक्त डिजिटल प्ल्याटफर्मले विभिन्न प्रसिद्घ कलाकारहरुको रचनात्मकता र सांगीतिक सहकार्यमार्पmत पुराना र हालका लोकप्रिय गीतहरुलाई नयाँ शैलीमा प्रस्तुत गर्दछ । आफ्नो संगीतको बढावा गरी धेरै दर्शकहरुमाझ पुराउन चाहने कलाकारहरुका लागि टुबोर्ग मञ्च राम्रो माध्यम बनेको छ ।

सबिन राई निकै लोकप्रिय गायक तथा गीतकार हुन् जसलाई उनको उल्लेखनिय स्टेज प्रस्तुतीहरुको लागि चिनिन्छ । उनले सन् १९९२ मा गितार बजाउन सिक्नुका साथै आफ्नो पहिलो एल्बम् निकालेका थिए । दोस्रो एल्बम् ‘सतह’को रिलिजपछि नेपाली संगीत क्षेत्रमा उनको लोकप्रियता व्यापक रुपमा बढ्यो । उनका केही गीतहरु रातारात हिट भए, जसले उनलाई थप लोकप्रियता दिलायो । ‘तिम्रो लागि’ सबिन राईको प्रिय गीतहरुमध्ये एक हो ।  टुबोर्ग ओपन सेसन्स् २ मा भोकल्स्मा सबिन, भोकल्स् तथा बेसमा जीवन लामा, ड्रम्समा बिनोद लामा तामाङ साथै गितारमा जोन श्रेष्ठ र निकेश केसीको साथमा उक्त गीतलाई थप बेजोड रुपमा प्रस्तुत गरिएको छ ।

टुबोर्ग ओपन सेसन्स् सिजन २ मा रोहित शाक्य र मनोजकुमार केसीले सबै २६ वटा गीतहरुमा निर्माताको रुपमा नेपाली संगीतको सारलाई पुनर्जीवित गर्दै सँगै सहकार्य गरिरहेका छन् । सिजन २ ले नेपाली संगीतकारहरुसँग गौरवपुर्ण उत्साह मनाउँदै उनीहरुलाई टुबोर्ग ओपनको मञ्चमा ल्याउने क्रम जारी राख्नेछ । नेपाली संगीत उद्योगको विविधतालाई अँगाल्ने र परम्परागत साँगीतिक आधारहरुलाई सम्मान गर्ने पनि यस सेसनको लक्ष्य रहेको छ ।

टुबोर्ग ओपन सेसन्स् सिजन १ ले नेपाली दर्शकहरुलाई कलाकारहरुको विविध समूहको प्रस्तुतीको साथ ध्यानाकर्षण गर्न सफल रह्यो । सिजन १ मा ५ ड्रिम बिग प्रोजेक्टका विजेताहरुको साथै ३६ जना लोकप्रिय कलाकारहरुले ५१ वटा गीतहरु निर्माण गर्न सँगै सहकार्य गरेका थिए जुन, युट्युबमा च्यानल आरबिट्ररी मार्पmत अपलोड गरिएको थियो । जसले १ करोड भन्दा बढी भ्युज संकलन गरेको छ ।