काठमाण्डौ । यो साता नेपाली बजारमा सुनको भाउ तोलामा ५ हजार ३०० रुपैयाँले बढेको छ। 

नेपाल सुनचाँदी व्यवसायी महासंघका अनुसार आज शुक्रबार प्रतितोला फाइन गोल्ड १ लाख ७ हजार १०० रुपैयाँ र तेजाबी गोल्ड १ लाख ६ हजार ६०० रुपैयाँ कायम भएको छ। गत शुक्रबार प्रतितोला १ लाख १ हजार ८०० रुपैयाँ र तेजाबी गोल्ड १ लाख १ हजार ३०० रुपैयाँमा कारोबार भएको थियो। यो हिसाबले यो साता सुनको भाउ तोलमा ५ हजार ३०० रुपैयाँले बढेको छ। 

आज पनि सुनको भाउ तोलामा ४०० रुपैयाँले बढेको छ। हिजो बिहीबार प्रतितोला फाइन गोल्ड १ लाख ६ हजार ७०० रुपैयाँ र तेजाबी गोल्ड १ लाख ६ हजार २०० रुपैयाँमा कारोबार भएको थियो। 

यो चाँदीको भाउ पनि तोलामा ९० रुपैयाँले उकालो लागेको छ। गत शुक्रबार तोलको १ हजार २२० रुपैयाँमा कारोबार भएको चाँदीको आज शुक्रबार १ हजार ३१० रुपैयाँ कायम भएको छ। 

आज पनि चाँदीको भाउ तोलामा ५ रुपैयाँले बढेको छ। हिजो बिहीबार चाँदी तोलको १ हजार ३०५ रुपयाँमा कारोबार भएको थियो।