काठमाण्डौ । रुजा इग्नाटोभा वा ‘मिसिङ’ क्रिप्टो-क्विन एफबीआईको शीर्ष १० मस्ट वान्टेड सूचीमा प्रवेश गरेकी छन्। 

क्रिप्टो-क्विन भनेर चिनिने रुजा इग्नाटोभाले क्रिप्टोको नाममा ठूलो घोटाला गरेकी थिइन् । मानिसलाई नक्कली क्रिप्टोकरेन्सीहरुमा पैसा लगानी गर्न लगाएर उनी बेपत्ता भइन्। 

मूल रुपमा बुल्गेरियाकी रुजा इग्नाटोभामाथि नक्कली क्रिप्टोकरेन्सीमा लगानीको नाममा ३२ हजार करोड रुपैयाँ ठगी गरिन्। मानिसलाई अर्बपति बन्ने सपना देखाएर उनले ठूलो घोटाला गरेको अनुसन्धानबाट खुलेको छ। 

रुजा इग्नाटोभाले सन् २०१४ मा वानक्वाइन नामक आफ्नो क्रिप्टोकरेन्सी लन्च गरेकी थिइन् । लाखौँ मानिसले यो क्रिप्टोकरेन्सीमा २ वर्षसम्म धेरै पैसा लगानी गरे। उनले ती मानिसलाई वाइनक्वाइनमा विश्वास गर्न आग्रह गरिन्। रुजा इग्नाटोभाले भनेकी थिइन्, ‘तपाइँहरु ठूलो चिजको हिस्सा बन्दै हुनुहुन्छ।’

‘यो क्रिप्टोकरेन्सीमा पैसा लगानी गरेर तपाइँले आउँदा वर्षहरुमा करोडौँ र अर्बौं रुपैयाँ कमाउन सक्नुहुन्छ’, उनको यस्तो बोल्ने शैलीबाट धेरै मानिस प्रभावित भए। उनले मानिसहरुलाई आश्वासन दिइन् कि वानक्वाइन बिटक्वाइनभन्दा अगाडि जाँदैछ।

मानिसहरु रुजा इग्नाटोभाको कुरामा फसे र लगानी गर्न थाले। यसका लागि धेरै मार्केटिङ पनि गरिएको थियो। पत्रपत्रिमा विज्ञापन पनि दिइएको थियो। वानक्वाइनको सबैभन्दा सानो प्याकेज १४० युरो र सबैभन्दा ठूलो १ लाख १८ हजार युरो थियो।

अहिले धेरै क्रिप्टोकरेन्सी समर्थकले रुजा इग्नाटोभाबाट वानक्वाइनका बारेमा जबाफ खोजिरहेका थिए। रुजा इग्नाटोभा सबैका प्रश्नको जबाफ दिने वाचा गर्दै थिइन्। तर, पछि एकाएक बेपत्ता भइन्। त्यसपछि मानिसहरुले बुझे कि उनीहरुसँग ठूलो क्रिप्टो घोटाला फसे। –एजेन्सी