काठमाण्डौ । नेपाल राष्ट्र बैंकका गभर्नर महाप्रसाद अधिकारीविरुद्ध तीन विद्यार्थी संगठनले संयुक्त रुपमा आन्दोलनको घोषणा गरेका छन्। 

नेपाली कांग्रेसनिकट नेविसंघ, नेकपा माओवादी केन्द्रनिटक अखिल (क्रान्तिकारी) र एकीकृत समाजवादीनिकट अनेरास्ववियुले संयुक्त रुपमा विज्ञप्ति जारी गर्दै एम. अधिकारी प्रकरणका कारण विवादमा तानिएका महाप्रसाद अधिकारीको राजीनामा माग गर्दै चरणबद्ध कार्यक्रम गर्ने जनाएको हो। यद्यपि एम अधिकारी गभर्नर रहेको दाबी गर्दै यसअघिदेखि नै उनीहरु आन्दोलनरत रहेका छन्। 

महाप्रसाद अधिकारी उर्फ एम. अधिकारीले नेपाल राष्ट्र बैंक ऐन २०५८ को बर्खिलाप गभर्नरको जिम्मेवारीमा रहिरहेर कानुनी राज्यको धज्जी उडाएको आरोप उनीहरुको छ। 

यस्तै सेयर कारोबार, क्रिप्टोकरेन्सीजस्ता विभिन्न विवादमा मुछिएका उनी प्रतिपक्ष दलको सदस्यता लिएर मुलुकको अर्थतन्त्र ध्वस्त पार्न सक्रिय रहेको अहिले प्रमाणित भएको विज्ञप्तिमा जनाइएको छ। विज्ञप्तिमा भनिएको छ, ‘यस्ता अनैतिक व्यक्तिबाट राजीनामाको अपेक्षा गर्नु मूर्खता हुनेछ, त्यसकारण नेपाल सरकारसमक्ष अवैध गभर्नर वर्खास्तीको जोडदार माग गर्दै संयुक्त विद्यार्थी संगठन निम्न संघर्षका कार्यक्रमको घोषणा गर्दछौँ।’ 

यस्ता छन् चरणबद्ध आन्दोलनका कार्यक्रम

  • साउन ३ गते अवैध गभर्नर बर्खास्तीको माग गर्दै प्रधानमन्त्री र प्रतिनिधिसभाका सम्माननीय सभामुख लाई ज्ञापनपत्र बुझाउने।
  • साउन ४ गते नेपाल राष्ट्र बैंक केन्द्रीय कार्यालयसहित देशैभरिका कार्यालयहरुमा कालो ब्यानर राख्ने। 
  • साउन ५ गते प्रज्ञा भवन डबलीमा कार्टुन प्रदर्शन तथा अन्तर्क्रिया कार्यक्रम गर्ने।
  • साउन ६ गते देशैभरि क्याम्पसहरुमा आफ्नो सापेक्षतामा विरोध कार्यक्रम गर्ने। 
  • साउन ७ गते संघीय संसद सदस्यहरुलाई अवैध गभर्नर बर्खास्तीको माग गर्ने आवाज संसदमा उठाउन अनुरोध गर्दै प्रदर्शनीमार्ग अगाडि सडकबाट सन्देश पठाउने।
  •