काठमाण्डौ । ह्वाट्सएप संसारभरि धेरै मानिसहरुद्वारा प्रयोग गरिन्छ। तपाइँले इन्स्टेन्ट म्यासेजिङ प्लेटफर्महरुमा धेरै सुविधा प्राप्त गर्नुहुन्छ। जसले फोन प्रयोग गर्ने तरिका परिवर्तन गरेको छ। 

यसको मद्दतले तपाइँ आफूबाट टाढा रहेका आफ्नो परिवारका सदस्यसँग सम्पर्कमा रहन सक्नुहुन्छ। अहिले मानिसहरुले सामान्य फोन कलको सट्टा ह्वाट्सएप कल गर्न थालेका छन्।

प्लेटफर्म एन्ड–टु–एन्ड इन्क्रिप्सनसँग आउँछ। मानिसहरुले यसमा सबै फोटो र भिडियो पठाउँछन् र यसका कारण धेरै पटक मानिसहरुका निजी फोटोहरु पनि ग्यालरीमा देखा पर्छन्। ह्वाट्सएपबाट भिडियो वा तस्बिर डाउनलोड हुनेबित्तिकै प्रयोगकर्ताको फोनको ग्यालेरीमा देखिन थाल्छ।

तपाइँ यसलाई रोक्न सक्नुहुन्छ। अर्थात्, तपाइँको ह्वाट्सएपको फोटो र भिडियो अटोमेटिक रुपमा ग्यालेरीमा देखा पर्ने छैनन्। यसका लागि तपाइँले ह्वाट्सएपको सेटिङमा केही परिवर्तन गर्नुपर्नेछ।

तपाइँले मिडिया भिजिबिलिटी बन्द गर्नुपर्छ। यसबाट फोटो र भिडियोहरु अटोमेटिक रुपमा तपाइँको फोनको ग्यालेरीमा सभे हुने छैनन्। यसको मतलब यो डाउनलोड हुनेछ तर ग्यालेरीमा सेभ हुने छैन।

यो सुविधाले नयाँ मिडियाका लागि काम गर्नेछ। पहिले नै डाउनलोड गरिएका फोटो र भिडियोहरुमा यसले कुनै प्रभाव पार्दैन। तपाइँले व्यक्तिगत कुराकानी वा समूह च्याटका लागि यो सुविधा बन्द गर्न सक्नुहुन्छ।

यसका लागि तपाइँले पहिले ह्वाट्सएप खोल्नुपर्छ। यहाँ तपाइँले शीर्ष दायाँ कुनामा देखिने तीनवटा थोप्लाहरुमा क्लिक गर्नुपर्नेछ। अब तपाइँले सेटिङ्समा जानुपर्छ। तपाइँले च्याटको विकल्प पाउनुहुनेछ। त्यसमा क्लिक गर्नुहोस्।

त्यहाँ तपाईंले मिडिया भिजिबिलिटीको अप्सन पाउनुहुनेछ। त्यसलाई बन्द गर्न सकिन्छ। तपाइँले व्यक्तिगत च्याट वा समूहका लागि पनि यो सेटिङ बन्द गर्न सक्नुहुन्छ। यसका लागि तपाइँले च्याटमा गएर कन्ट्याक्ट इन्फोमा क्लिक गर्नुपर्नेछ। त्यहाँ देखाइएको मिडिया भिजिबिलिटीको अप्सन बन्द गर्नुपर्छ। –एजेन्सी