अब खातामा आएकै दिन सेयर बेच्न मिल्ने !

काठमाण्डौ ।  सीडीएससीले हाल नयाँ एपीआई पोलिसी लागू गरेको छ । हाल नयाँ एपीआई पोलिसी नयाँ टीएमएस लिने ब्रोकरहरुले मात्रै प्रयोग गरेका छन् । सीडीएससीका प्रवक्ता सुरेश न्यौपानेले दिएको जानकारी अनुसार नयाँ एपीआई अपग्रेड गरेका नयाँ तथा पुराना टीएमएस चलाउने सबै ब्रोकरहरुबाट खातमा आएकै दिनमा सेयर बेच्न मिल्ने छ ।  

Sponsored

Sponsored

‘हाल नयाँ टीएमएस लिएका ब्रोकरहरुले नयाँ एपीआई अपग्रेड गरेका कारण खातामा आएको दिनमा नै सेयर बेच्न सकेका हुन सक्छन्’ न्यौपानेले भने । जस्तो उदाहरणका लागि कसैले आइतबार सेयर किन्यो भने सोमबार ब्रोकरहरुको पुल खातामा आउने गर्छ । मंगलबार भने लगानीकर्ताहरुको खातामा आउने गर्छ । हालको एपीआईमा लगानीकर्ताहरुले बुधबार मात्रै सेयर बेच्न मिल्छ ।  

तर नयाँ एपीआई लिनेहरुले भने यदि सेयर ३ बजे भित्रमा डीपीहरुले लगानीकर्ताको खातामा सेयर हालिदिएको खण्डमा खातामा आएकै दिनमा पनि सेयर बेच्न मिल्ने प्रवक्ता न्यौपानेले जानकारी दिए । यसको अर्थ नयाँ टीएमएस लिएका ब्रोकरबाट मात्रै यो मिल्ने भन्ने होइन । अब यदि पुराना टीएमएस लिएका ब्रोकरहरुले पनि नयाँ एपीआई अपग्रेड गरेको खण्डमा खातामा नै सेयर आएको दिनमा सेयर बेच्न सक्ने छन् । यसको अलावा यदि कसैले सेयर प्लेजमा राखेको थियो भने पनि अब रिलिज भएकै दिनमा पनि सेयर बेचेर सेटलमेन्ट गर्न सक्ने प्रवक्ता न्यौपानेले जानकारी दिए ।