.gif)
_(1).gif)
.png)
काठमाण्डौ । हवाईजहाज निर्माता कम्पनी बोइङका सीईओ डेभ काल्हौनलाई गत वर्ष एक मिलियन डलर भन्दा बढी तलबका बाबजुत ठूलो मात्रामा स्टक बोनस प्रदान गरिएको खबर बाहिरिएको छ । कम्पनी घाटाको श्रृखंलाबाट गुज्रिरहेको र सुरक्षा समस्याहरूले ग्रस्त बनेका बेला सीईओ लाई भने सेवा सुविधामा व्यापक वृद्धि गरिएको थियो ।
सन् २०२३ मा काल्हौनले कुल ३२.८ मिलियन डलरबराबरको सेवा सुविधा पाएका थिए । जुन सन् २०२२ को २२.६ मिलियन डलरको तुलनामा ४५ प्रतिशतले धेरै हो । काल्हौनले २.८ मिलियन डलरबराबरको थप बोनस अस्विकार नगरेको भए यो रकम अझै धेरै हुनसक्थ्यो ।
(1).gif)
काल्हौन सीईओमा नियुक्त भएपछि सन् २०२३ र २०२२ गरी दुई वर्ष बोईङको आर्थिक अवस्थामा सुधार देखिएको थियो । कम्पनीले सन् २०१९ देखि निरन्तर रुपमा घाटा व्यहोर्दै आएको थियो । तर कम्पनीले यो घाटालाई ६० प्रतिशतले घटाउन सफल भएको छ । सन् २०२३ मा कम्पनीको सेयरमूल्य पनि ३७ प्रतिशतले वृद्धि भएको थियो । डिसेम्बर महिनाले कम्पनीले नयाँ व्यवसायिक जेट विमानका लागि रेकर्ततोड माग प्राप्त गरेको थियो । तर गत जनवरीमा विमानमा सुरक्षा समस्या देखिएपछि भने सुरक्षा र गुणस्तरमा कम्पनीको प्रतिष्ठामा अहिले सम्मकै न्यून विन्दुमा आईपुग्यो ।
गत महिना सीईओ काल्हौनले पदबाट यसै वर्ष राजीनामा दिने बताएका थिए । जसपश्चात कम्पनी नयाँ सीईओको खोजीमा लागेको छ ।
४५ मिलियन डलरबराबरको स्टक बोनससाथ काल्हौनले बोइङ छाड्ने भएका छन् । जुन उनले यस वर्ष पाउने तलब तथा सेवा सुविधाको तुलनामा धेरै हुनेछ ।
सन् २०१८ र २०१९ मा दुई वटा दुर्घटनाका कारण ३४६ जनाको मृत्यु भएपछि बोइङको ७३७ म्याक्स विमान ग्राउण्डेड भएको थियो । यस्तोमा सन् २०२० को जनवरीमा डेभ काल्हौनलाईकम्पनीको सीईओ नियुक्त गरिएको थियो ।
.gif)
.png)
.jpg)
.jpg)
.jpg)
.gif)
(1).gif)
.gif)
