चार कम्पनीको बोनस सेयर सूचीकृत, कुनको कति ?

काठमाण्डौ । नेपाल स्टक एक्सचेञ्ज (नेप्से)मा चार कम्पनीको बोनस सेयर सूचीकृत भएको छ । युनिभर्सल पावर, एनएलजी इन्स्योरेन्स, विन्ध्यबासिनी हाइड्रोपावर र प्रभु महालक्ष्मी लाइफ इन्स्योरेन्स कम्पनीको बोनस सेयर सूचीकृत भएको हो ।  

युनिभर्सल पावरको ९ प्रतिशत दरको कुल २० लाख ५१ हजार ९३६ कित्ता सेयर सूचीकृत भएको हो । साथै विन्ध्यबासिनी हाइड्रोपावरको ५ प्रतिशत दरको कुल ५ लाख ६४ हजार ९०० कित्ता बोनस सेयर सूचीकृत भएको छ ।  

त्यस्तै, बीमा कम्पनीहरुमा एनएलजी इन्स्योरेन्सको ४ प्रतिशत दरको कुल १० लाख २६ हजार ८९ कित्ता र प्रभु महालक्ष्मी लाइफ इन्स्योरेन्सको ४ प्रतिशत दरको कुल २० लाख ४१ हजार ४५९ कित्ता बोनस सेयर सूचीकृत भएको छ ।  

उक्त सूचीकृत बोनस सेयर भोलिदेखि नै धितोपत्र दोस्रो बजारमा कारोबार गर्न सकिनेछ ।