.gif)
.png)
काठमाण्डौ । नेपाल स्टक एक्सचेञ्ज (नेप्से)मा सूचीकृत २४ वटा बीमा कम्पनी मध्ये हालसम्म २० वटा कम्पनीले लाभांश सम्बन्धी निर्णय गरिसकेका छन् ।
जसमा ११ वटा निर्जीवन बीमा कम्पनी र ९ वटा जीवन बीमा कम्पनीले गत आवको सञ्चित मुनाफाबाट लाभांश दिने वा नदिने सम्बन्धी निर्णय गरेका हुन् ।
जीवन बीमातर्फ अब आइएमई लाइफ, प्रभु महालक्ष्मी लाइफ र नेशनल लाइफ इन्स्योरेन्सले लाभांश घोषणा अर्थात निर्णय गर्न बाँकी छ, भने निर्जीवन तर्फ राष्ट्रिय बीमा कम्पनीले लाभांश सम्बन्धी निर्णय गर्न बाँकी छ ।
प्रिमियम मूल्यमा आईपीओ ल्याएका चारवटा जीवन बीमा कम्पनीमध्ये अब आइएमई लाइफ इन्स्योरेन्सले मात्रै लाभांशको निर्णय सुनाउन बाँकी छ । सबैभन्दा पहिला आईपीओ जारी गरेको कम्पनी आइएमईले नै सेयरधनीलाई प्रतिक्षामा राखेको छ ।
दोस्रो बजारमा पनि आइएमई लाइफको लाभांशको विषयमा बढी चर्चा छ । कम्पनीले गत आवको मुनाफाबाट लाभांश देला या नदेला वा कति बोनस दिन्छ भन्ने खालका जिज्ञासाहरु लगानीकर्ताबीच आदानप्रदान भइरहेको देखिन्छ ।
कम्पनीको वित्तीय विवरण बीमा प्राधिकरणबाट स्वीकृतिको क्रममा रहेकाले लाभांश सम्बन्धी निर्णय गर्न ढिला भएको कम्पनीले जनाएको छ । लाभांश प्रस्ताव वा लाभांश सम्बन्धी निर्णय गर्न चालु आवको हालसम्मको वित्तीय विवरणसमेत नेपाल बीमा प्राधिकरणबाट लेखाजोखा भई स्वीकृति गराउनुपर्ने भएकाले प्रक्रिया लम्बिन पुगेको कम्पनीका सीईओ कवि फुयाँलले बताए ।
बीमा प्राधिकरणबाट वित्तीय विवरण स्वीकृत भएपछि मात्रै सञ्चालक समिति बैठक बसेर सेयरधनीलाई लाभांश बाँड्ने वा नबाँड्ने अर्थात कति वितरण गर्ने सम्बन्धमा निर्णय हुने फुयाँलले बताए ।
प्रिमियमा आईपीओ ल्याएका चार जीवन बीमा कम्पनीले नै पूँजी बढाउनका लागि सेयरधनीहरुलाई लाभांश प्रस्ताव गरेका छन् । यसर्थ आइएमई लाइफको पनि हालको कायम चुक्तापूँजी ४ अर्ब रुपैयाँ छ । कम्पनीलाई प्राधिकरणले तोकेको पूँजी पुर्याउन अझै १ अर्ब रुपैयाँ बराबरको पूँजी जुटाउनुपर्ने हुन्छ ।
प्रिमियम मूल्यमै आईपीओ ल्याएको रिलायबल नेपाल लाइफको पनि पूँजी ४ अर्ब रुपैयाँ छ । कम्पनीले उक्त कायम चुक्तापूँजीको १६ प्रतिशतले हुन आउने ६४ करोड रुपैयाँ बराबरको बोनस सेयर प्रस्ताव गरेको थियो ।
आइएमई लाइफले पनि पूँजी वृद्धिको लागि १ अर्ब रुपैयाँ बराबरको बोनस सेयर प्रस्ताव गर्न सक्ने सम्भावना छ । अर्थात् अब कम्पनीले कायम चुक्तापूँजी ४ अर्ब रुपैयाँको २५ प्रतिशत बोनस सेयर प्रस्ताव गरेमा कम्पनीको चुक्तापूँजी ५ अर्ब रुपैयाँ पुग्नेछ ।
।कम्पनीलाई पूँजी वृद्धि गर्न बोनस सेयर र हकप्रद जारी गर्न दुईवटा विकल्प छ । यी दुईमध्ये कम्पनीले तत्काल हकप्रद जारी गर्ने कुनै योजना बनाएको छैन । यसर्थ कम्पनीले बोनस सेयरबाटै पूँजी बढाउन सक्ने बढी सम्भावना देखिन्छ ।
कम्पनीले गत आर्थिक वर्षमा २४ करोड ८ लाख रुपैयाँ खुद नाफा आर्जन गरेको थियो । गत आवमा उत्कृष्ट नाफा कमाएपनि जीवन बीमा कम्पनीको लाभांश क्षमता एक्चुरीअल भ्यालुएसपश्चात् मात्रै तय हुने गर्दछ ।
.png)
(1).jpg)
(1).jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।