मध्य भोटेकोशी ७.६७ करोड नाफामा, आम्दानी र ईपीएस कति ?

काठमाण्डौ । मध्य भोटेकोशी जलविद्युत कम्पनी लिमिटेड चालु आवको तेस्रो त्रैमाससम्म ७ करोड ६७ लाख रुपैयाँ खुद नाफा आर्जन गर्न सफल भएको छ । अघिल्लो आवको सोही अवधिसम्म पनि कम्पनी २ करोड ७४ लाख घाटामा थियो ।  

कम्पनीले विद्युत बिक्रीमार्फत १ अर्ब ४२ करोड रुपैयाँ आर्जन गरेको छ । यस्तै कम्पनीले ११ लाख २ हजार रुपैयाँबराबरको वित्त आम्दानी गरेको छ । अघिल्लो आवमा भने कम्पनीले २५ लाख ९ हजार रुपैयाँबराबरको वित्त आम्दानी गरेको थियो । यो अवधिसम्म कम्पनीको प्रशासनिक खर्च १ करोड ४९ लाख र ह्रासकट्टी खर्च ५१ करोड १८ लाख रहेको छ ।  

६ अर्ब रुपैयाँ चुक्तापूँजी भएको कम्पनीको रिटेन्ड अर्निङ ३१ करोड ८१ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति ६३ करोड ७५ लाख र कुल चालु दायित्व ९८ करोड ५२ लाख रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी १.७१ रुपैयाँ, प्रतिसेयर नेटवर्थ ९४.७ रुपैयाचँ, पीई रेसियो १७७.२५ गुणा र तरलता अनुपात ०.६ गुणा कायम भएको छ ।