.gif)
_(1).gif)
.jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा झिनो गिरावट आएको छ । आज नेप्से परिसूचक ३.२४ अंकले घटेर १ हजार ९६५.९३ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१० प्रतिशतले घटेर ३४८.१८ विन्दुमा पुगेको छ । यो दिन नेप्सेमा सूचीकृत मध्ये ३०३ वटा कम्पनीको ६३ लाख १२ हजार ५५२ कित्ता सेयर २ अर्ब ३६ करोड ६९ लाख रुपैयाँभन्दा बढीको कारोबार भएको छ ।
आजको बजारबारे बजार जानकार प्रेम वली भन्छन्, ‘लगानीकर्ताहरु अझै पर्ख र हेरको अवस्थामै छन् । लगानीकर्ताले नीतिगत परिवर्तनको अपेक्षा गरेका छन् । लगानीकर्ताले अपेक्षा गरेजस्तो नीति नआउदा बजार उत्साह देखिएको छैन । ’
लगानीकर्ताको आत्मविश्वास घट्दा र नयाँ लगानीकर्तालाई लगानीको वातावरण नबन्दा बजारमा शिथिलता देखिएको वलीले बताए । वलीका अनुसार बजारमा नीतिगत सुधार देखिएमा बजारले पुनःगति लिनेछ ।
अर्का बजार जानकार महेश रिजालले पनि लगानीकर्ताले अहिले मुख्य रुपमा नीतिगत सुधारको अपेक्षा गरेको बताए । पूँजीबजारमा कायम रहेको लगानीको सिमा नहटेसम्म बजारले गति नलिने रिजालले बताए । ‘अहिले बजारमा साइडवेज मै चलिरहेको छ र नीतिगत परिवर्तन नभएसम्म बजार यस्तै गरी चल्ने देखिन्छ । अहिले बजारमा मागभन्दा सप्लाई बढी देखिएको छ । बढ्दो सप्लाईलाई बजारले थेग्न सक्ने अवस्था अहिले छैन, ’ उनले भने ।
दिन नेप्सेमा सूचीकृत १३ वटा समूहमध्ये ५ वटा समूहमा मात्रै हरियाली छायो भने अन्य सबै समूहमा रातो पोतियो । आज वित्त समूहमा सबैभन्दा धेरै वृद्धि देखियो । यो समूह आज ३.१३ प्रतिशतले बढ्यो भने जीवन बीमा ०.४४ ,म्युचुअल फण्ड ०.४५ निर्जीवन बीमा ०.२० र व्यापार समूह ०.११ प्रतिशतले बढ्यो ।
(1).gif)
आज बैंकिङ समूह ०.१९, विकास बैंक ०.१९, होटल ०.४३,हाईड्रो ०.४६,लगानी ०.३०,उत्पादन तथा प्रशोधन ०.७१,लघुवित्त ०.३६ र अन्य समूह ०.३५ प्रतिशतले घटे ।
धेरै कारोबार गर्ने कम्पनीहरु
यो दिन पनि पोखरा फाइनान्सको सर्वाधिक सेयर कारोबार भयो । आज यो कम्पनीको ११ करोड २६ लाख बढीको सेयर कारोबार भयो ।
त्यस्तै मल्टीपर्पस फाइनान्सको ९ करोड ४० लाख,पिपुल्स पावरको ८ करोड ५९ लाख,गोर्खाज फाइनान्सको ८ करोड ६ लाख र आइएमई लाइफको ७ करोड ५९ लाख बढीको सेयर कारोबार भयो ।
धरै कमाउने र गुमाउने कम्पनीहरु
यो दिन एउटा मात्रै कम्पनी अर्थात मल्टीपर्पस फाइनान्सको सेयरमूल्यमा सकारात्मक सर्किट लाग्यो । यो कम्पनीको सेयरमूल्य ९.९९ प्रतिशतले बढ्यो ।
आज पोखरा फाइनान्सको सेयरमूल्य ८.०५ प्रतिशत र स्वाभिमान लघुवित्तको सेयरमूल्य ६.७६ प्रतिशतले बढ्यो ।
आज सबैको लघुवित्तको सेयरमूल्य सर्वाधिक घट्यो । यो कम्पनीको सेयरमूल्य ६.०९ प्रतिशतले घटेको आज माईखोला हाईड्रोका ५.४५,एनआरएन इन्फ्रास्ट्रक्चरको ५.१० र मानुषी लघुवित्तको सेयरमूल्य ३.९४ प्रतिशतले घट्यो ।
.gif)
.png)
.jpg)
.png)
(69).jpg)
.jpg)
.gif)
(1).gif)
.gif)
