.gif)
_(1).gif)
.png)
काठमाण्डौ । हामीले संधैको साता जस्तै आज पनि विभिन्न ब्रोकर हाउस पुगेर लगानीकर्ताहरुको मनोविज्ञान नियाल्ने र बुझ्ने कार्यलाई निरन्तरता दिएका छौं । आज बजार खुलेदेखि नै बढेर कारोबारको थालनी भएको थियो । लामो समयदेखि बजार सुस्ताएकाले हिजोआज ब्रोकर हाउसहरुमा लगानीकर्ताको उपस्थिति निकै पातलो पाइन्छ ।
आज हामीले अनामनगर आसपासका केही ब्रोकर हाउसहरुमा पसेर लगानीकर्ताहरुको विचार र मनोविज्ञान बुझ्ने प्रयास गरेका छौं । हामीले यसको थालनी अनामनगरमा रहेको कालिका सेक्युरिटिज(स्टक ब्रोकर नम्बर ४६) बाट सुरु गरेका थियौ । यस ब्रोकर हाउसमा लगानीकर्ताहरुको उपस्थिति राम्रै नै थियो । सुरुवाति चरणमा आज बजार सामान्य अंकले तल माथि गरेको थियो ।
त्यसैले लगानीकर्ताहरुको ध्यान सेयर बजारतर्फ खासै देखिएको थिएन । केही लगानीकर्ताहरु बजार नियाल्न भन्दा पनि नेपाल र वेष्ट इण्डिज‘ए’बीचको क्रिकेट म्याच हेर्नमा व्यस्त थिए । केही भने आफ्नो कम्प्युटरमा प्राविधिक विश्लेषणको चार्टसहित बजारको अवस्था नियाल्नमा व्यस्त देखिन्थे । यत्तिकैमा एक लगानीकर्ताले भने,‘बजार अघिल्लोपटक पनि १९४७ आसपासबाट फर्किएको थियो । यो पटक पनि त्यही विन्दुमा आएर फर्केको छ ।’ उनले विभिन्न इन्डिकेटर लगाउँदै भने,‘बजारमा बुलिस डाइभर्जेन्स बनि सकेको छ । कुनै पनि बेला बजारले माथिको यात्रा तय गर्न सक्छ ।’
‘नेपालमा प्राविधिक विश्लेषणले काम गर्दैन साथी । हेर्न छोडि दिनुस् ।’ उनीसँगै बसेका लगानीकर्ताले भने । ती लगानीकर्ताले चार्ट देखाउँदै भने ‘बजारमा ४÷५ दिनदेखि एक्युमुलेशन भएको छ । यो भनेको बजारमा स्मार्ट मनि बजार पसेको छ भन्ने हो । तपाईहरु मान्नुस वा नमान्नुुहोस बजारमा स्मार्ट मनि पसि सक्यो । विभिन्न इन्डिकेटरमा बुलिस डाइभर्जेन्स बनिसकेको छ ।’ ब्रोकर हाउसमा यस्तै गल्फति चल्दै थिए । यस बेला दिनको १२ बजेको थियो । बजार झिनो अंकले तल माथि गर्दै थियो ।
(1).gif)
केही समयको बसाई पछि हामी अनामनगरमै रहेको दीप शिखा धितोपत्र ब्रोकर (स्टक ब्रोकर नम्बर ३८) मा पुग्यौं । यहाँ लगानीकर्ताको उपस्थिति सामान्य थियो । यहाँ भेटिएका केही लगानीकर्ताहरुमा पनि बजारलाई लिएर अन्यौलता व्याप्त थियो । लगानीकर्ताको भिडबाट एक जनाले अब बजार धेरै नघट्ने भनेको सुनियो । ‘बजारमा लो क्याप नै चल्ने देखिएको छ । आज फाइनान्स बढेका छन । अब केही दिनमा सिमेन्ट कम्पनी पनि चल्छन् । त्यस पछि विस्तारै लो क्यापकै हाइड्रो कम्पनीहरु चल्ने हुन् ।’ उनले भने ।
हामी दीप शिखा सेक्युरिटिजमै रहेका बेला दिनको १ बजि सकेको थियो । बजार अझै पनि झिनो अंकले तल माथि गर्दै थियो ।
यस्तैमा हामी अनामनगरकै आर्यतारा सेक्युरिटिज (स्टक ब्रोकर नम्बर ५७) मा पुग्यौं । यहाँ पनि केही लगानीकर्ताहरु नेपालको क्रिकेटको भरपुर मनोरञ्जन लिईरहेका थिए । खेलका क्रममा बीच बीचमा प्रहार भईरहेका चौका छक्कामा लगानीकर्ता हुटिङ गरिरहेका थिए । कोहि लगानीकर्ता भने बजारको पट्यारलाग्दो उतारचढावका कारण हाई काढेर बसेका थिए ।
हामीले केही लगानीकर्तासँग बजारको बिषयमा जिज्ञासा पनि राख्यौं । यस ब्रोकरमा भेटिएका केही लगानीकर्ताहरुमा पनि बजारको आगामी दिशाका बारेमा अस्पष्टता र अन्यौलता रहेको पाइयो । यसै ब्रोकरमा भेटिएका एक लगानीकर्ताले बजार बढेर २ हजारभन्दा माथि गएको खण्डमा भने बजार पस्ने सोचमा रहेको बताए । उनले भने,‘२ हजारमा पस्ने हो । २२ सयमा निस्कने हो । अहिलेलाई यति जाने पुग्छ । बजारमा स्मार्ट मनि पस्दै छ भन्छन् । हामी पनि तिनीहरुसँगै चल्नु पर्छ अब’ उनले भने ।
आज डेढ बजे पछि सम्हालिएको बजार अन्त्यमा करिब १५ अंकले बढेर बन्द भयो ।
.gif)
.png)
.png)
(69).jpg)
.jpg)
(86).jpg)
.gif)
(1).gif)
.gif)
