मनि फ्लो इन्डेक्समा बुलिस डाइभर्जेन्स, सम्हालिने प्रयासमा बजार

काठमाण्डौं । आज नेप्से परिसूचक १ हजार ९८० को विन्दुमा बन्द भएको छ । गत माघ ३ गते ४ महिनाको उच्च विन्दु २ हजार २२० बाट घटेको बजार आज बजार १ हजार ९८० विन्दुमा बन्द भएको हो ।  

बजारले यसपटक पनि १९५० आसपास बेस बनाएको देखिन्छ । आज दिनभर सामान्य अंकले तल माथि गरेको बजार अन्त्यमा करिब १५ अंकले बढेर बन्द भयो । बजार बढ्दा आज कारोबार पनि बढेको छ । पछिल्लो पटकको बजारलाई मनी फ्लो इन्डेक्स अर्थात बजारमा पैसाको प्रवाहमार्फत हेर्दा बजारमा प्रष्ट रुपमा बुलिस डाइभर्जेन्स बनेको देखिन्छ ।  

यो भनेको नेप्से घट्दै जाँदाको अवस्थामा कारोबार बढ्दै गएको छ भन्ने हो । मनी फ्लो इन्डेक्स किन बढी विश्वासिलो हुन्छ भने यसले भोल्युम र कारोबार दुवैलाई इन्डिकेट गर्छ । यदि मनि फ्लो इन्डेक्स २० भन्दा तल भएमा ओभर सोल्ड जोन र ८० भन्दा माथि भएमा ओभर बट जोन भनिन्छ ।  

हाल बजार १४ को तहबाट पर्केर ३३ को तहमा पुगि सकेको छ । यसले बजार घटेता पनि कारोबार बढेको छ भन्ने बुझाउँछ । पछिल्लो ५ दिनको कारोबारलाई नियाल्दा बजार १९६० भन्दा माथि टिकेको छ । यस हिसाबले प्राविधिक रुपमा हेर्दा बजार विस्तारै सम्हालिन थालेको देखिन्छ । यदि आगामी दिनमा बजार २ हजार भन्दा माथि कारोबार भएको खण्डमा हालको लागि १९६० नै न्यून विन्दु हुने छ ।  

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।