हिमालयन लघुवित्तको नाफा १.१३ करोड, खराब कर्जा अनुपातमा सामान्य गिरावट

 काठमाण्डौ । हिमालयन लघुवित्त वित्तीय संस्था लिमिटेडले चालु आर्थिक वर्षको तैस्रो त्रैमाससम्ममा १ करोड १३ लाख रुपैयाँ खुद नाफा आर्जन गरेको छ । यो रकम गत आवको सोहि अवधिको त्ुलनामा ७३.८७ प्रतिशतले धेरै हो । गत आवको तेस्रो त्रैमाससम्म संस्थाले ६५ लाख ५५ हजार रुपैयाँ घाटा व्यहोरेको थियो ।  

संस्थाको खुद ब्याज आम्दानीमा पनि वृद्धि भएको छ । संस्थाले अघिल्लो आवको तुलनामा खुद ब्याज आम्दानी ४.४६ प्रतिशतले बढाएको छ । संस्थाको खुद ब्याज आम्दानी १५ करोड ९८ लाख रुपैयाँ रहेको छ ।  

समीक्षा अवधिसम्म संस्थाले १ करोड ६२ लाख रुपैयाँबराबरको सञ्चालन मुनाफा आर्जन गरेको छ । संस्थाको कर्मचारी खर्च १३ करोड १४ लाख र अन्य सञ्चालन खर्च ४ करोड १९ लाख रुपैयाँ रहेको छ ।  

संस्थाको रिजर्भको आकार ६.७४ प्रतिशतले बढेर ९ करोड ८७ लाख रुपैयाँ पुगेको छ । संस्थाको निक्षेप संलकन ९२ करोड ९४ लाख र कर्जा प्रवाह ४ अर्ब ९ करोड रुपैयाँ रहेको छ ।  

संस्थाको खराब कर्जा अनुपातमा केहि कमी आएको छ । अघिल्लो आवको तेस्रो त्रैमाससम्म ४.९१ प्रतिशत रहेको खराब बर्जा अनुपात घटेर ४.६१ प्रतिशतमा सीमित बनेको छ । संस्थाले इम्पेयरमेन्ट चार्जका लागि १७ लाख ६० हजार रुपैयाँ छुट्टाएको छ ।  

संस्थाको वितरणयोग्य मुनाफा ६२ लाख ९ हजार मात्रै रहेको छ ।    

समीक्षा अवधिसम्म संस्थाको प्रतिसेयर आम्दानी(ईपीएस) ४.७५ रुपैयाँ,प्रतिसयर नेटवर्थ १२६.४६ रुपैयाँ,प्रतिसेयर कुल सम्पत्तिको मूल्य १ हजार ४९५.६२ रुपैयाँ,मूल्य आम्दानी अनुपात १५२.५८गुणा र तरलता अनुपात १५.०८ प्रतिशत रहेको छ ।