लगातार ३ दिन विदा, अर्को साता पनि सेयर बजार चार दिन मात्र खुल्ने

काठमाण्डौ । अर्को साता सेयरबजार ४ दिन मात्र खुल्ने भएको छ ।  

सरकारले भदौ २३ गते मंगलबार जेनजी शहीद दिवस मनाउने घोषणासहित सार्वजनिक विदा दिने निर्णय गरेको छ । योसँगै आगामी साता सेयर बजार सोमबार, बुधबार, बिहीबार र शुक्रबार गरी चार दिन मात्र खुल्नेछ । 

भोलि(शुक्रबार) पनि श्रीकृष्ण जन्माष्टमीको सार्वजनिक बिदा रहेको छ। यो दिन पनि बजार बन्द हुनेछ ।  

भोटेकोशी बाढीमा ज्यान गुमाएकाहरूको सम्झनामा सरकारले भदौ २२ गते सोमबार राष्ट्रिय शोक मनाउने निर्णय गरेको छ । यो दिन सार्वजनिक विदा भने दिइएको छैन । 

क्षमाप्रार्थी

-यसअघिको समाचारमा भदौ २२ गते पनि सार्वजनिक विदा भनिएकोमा त्यसलाई सच्याइएको छ । भ्रम पार्ने खालको हेडलाइन समेत सम्पादन गरिएको छ । यसबाट पाठक वर्गमा पर्न गएको असुविधाप्रति क्षमाप्रार्थी छौं ।-सम्पादक