नेप्सेमा यी दुई कम्पनीको सेयरमूल्य समायोजन, प्रतिकित्ता कति ?

Capital Market
बिहीबार, आश्विन ८,२०८३ 05:08:06

काठमाण्डौ । नेपाल स्टक एक्सचेञ्ज (नेप्से)मा सूचीकृत २ वटा कम्पनीको सेयरमूल्य समायोजन भएको छ । नेप्सेमा सांग्रिला डेभलपमेन्ट बैंक र स्नो रिभर्स लिमिटेडको सेयरमूल्य समायोजन भएको हो । यी कम्पनीले गत आवका लागि आफ्ना सेयरधनीहरुका लागि प्रस्ताव गरेको बोनस सेयरका लागि सेयरमूल्य समायोजन भएको हो ।

समायोजनपश्चात सांग्रिला डेभलपमेन्ट बैंकको सेयरमूल्य प्रतिकित्ता ४११.५४ रुपैयाँ कायम भएको छ । समायोजन हुनुअघि कम्पनीको सेयरमूल्य प्रतिकित्ता ४२८ रुपैयाँ कायम थियो । बैंकले गत आवसम्मको सञ्चित मुनाफाबाट ४ प्रतिशत बोनस सेयर र ६.५२६३ प्रतिशत नगद लाभांश गरी कुल १०.५२६३ प्रतिशत लाभांश दिने निर्णय गरेको छ ।

यस्तै बिन्धवासिनी हाइड्रोले प्रस्ताव गरेको ५ प्रतिशत बोनस सेयरका लागि सेयरमूल्य समायोजन हुँदै सेयरमूल्य प्रतिकित्ता ४५५।१४ रुपैयाँ कायम भएको छ । समायोजन हुनुअघि कम्पनीको सेयरमूल्य प्रतिकित्ता ४७७।९० रुपैयाँ कायम थियो । कम्पनीले गत आवका लागि सेयरधनीहरुलाई हाल कायम चुक्तापूँजीको ५ प्रतिशत बोनस सेयर र कर प्रयोजनका लागि ०।२६३२ प्रतिशत लाभांश प्रदान गर्ने निर्णय गरेको छ । यही पुस ३० गते आयोजना हुन लागेको कम्पनीको वार्षिक साधारण सभाबाट पारित गरी उक्त लाभांश सेयरधनीहरुलाई वितरण गरिनेछ ।

यस्तै स्नो रिभर्सको सेयरमूल्य समायोजन हुँदै प्रतिकित्ता ८५९.०९ रुपैयाँ निर्धारण भएको छ । समायोजन अघि कम्पनीको सेयरमूल्य प्रतिकित्ता ९४५ रुपैयाँ कायम थियो । कम्पनीले गत आवका लागि हाल कायम चुक्तापूँजीको १० प्रतिशत बोनस सेयर र ०.५२६३ प्रतिशत नगद लाभांश गरी कुल १०.५२६३ प्रतिशत लाभांश वितरणको घोषणा गरेको छ ।

आजको कारोबारदेखि नयाँ समायोजित मूल्यका आधारमा यी कम्पनीको सेयर दोस्रो बजारमा कारोबारमा आउनेछ ।