एनआईसी एसिया इक्विटी अपर्च्युनिटी फन्डको इकाइ बाँडफाँट आज

काठमाडौं। एनआईसी एसिया क्यापिटल लिमिटेडको व्यवस्थापनमा सञ्चालन हुने ‘एनआईसी एसिया इक्विटी अपर्च्युनिटी फन्ड’ को इकाइ बाँडफाँट आज हुने भएको छ। यस योजनाको प्रवर्द्धक एनआईसी एसिया बैंक लिमिटेड र योजना व्यवस्थापक एनआईसी एसिया क्यापिटल लिमिटेड रहेका छन्।

फन्डको प्रति इकाइ अंकित मूल्य १० रुपैयाँ कायम गरिएको छ। कुल ८ करोड इकाइमध्ये बीज पुँजीबापत न्यूनतम १ करोड २० लाख इकाइ, अर्थात् १२ करोड रुपैयाँ बराबरको इकाइ वा कुल बिक्री भएको इकाइको १५ प्रतिशत इकाइ कोष प्रवर्द्धक एनआईसी एसिया बैंक लिमिटेडलाई सुरक्षित राखी बाँकी न्यूनतम ६ करोड ८० लाख इकाइ निष्कासन तथा बिक्रीका लागि खुला गरिएको थियो।

उक्त इकाइ असोज ७ देखि १३ गतेसम्म संघसंस्था तथा सर्वसाधारणका लागि निष्कासन तथा बिक्री खुला गरिएकोमा सो अवधिभित्र रीतपूर्वक आवेदन दिने आवेदकलाई बन्डफन्ड बाँडफाँट गरिने भएको हो।