माण्डु हाइड्रोपावरको १० प्रतिशत बोनस सेयर नेप्सेमा सूचीकृत

काठमाडौं । माण्डु हाइड्रोपावरको १० प्रतिशत बोनस सेयर नेपाल स्टक एक्सचेन्ज (नेप्से)मा सूचीकृत भएको छ ।

कम्पनीको भदौ १८ गते सम्पन्न वार्षिक साधारणसभाबाट पारित १० प्रतिशत बोनस सेयरबापतको १३ लाख ६३ हजार ६३७ कित्ता सेयर नेप्सेमा सूचीकृत भएको हो ।

सूचीकृत सेयर कारोबारयोग्य भए पनि सेयरधनीको हितग्राही खातामा जम्मा भएपछि मात्रै खरिदबिक्री गर्न सकिनेछ ।

कम्पनीले यस वर्ष बोनस सेयरसँगै कर प्रयोजनसमेत गरी कुल १२.५३ प्रतिशत नगद लाभांश वितरण गरेको छ ।