.gif)
_(1).gif)
.png)
काठमाण्डौ । लगातार तीन दिनसम्म बढेको बजारमा आज भने ब्रेक लागेको छ । आज नेप्से परिसूचक २१.६७ अंक अर्थात १.०२ प्रतिशतले घटेको छ । यो गिरावटसँगै नेप्से परिसूचक २ हजार ९७.९३ बिन्दुमा सीमित भएको छ ।
(1).gif)
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०८ प्रतिशतले घटेर ३७८.६३ विन्दुमा झरेको छ । यो दिन नेप्सेमा सूचीकृत मध्ये ३१३ वटा कम्पनीको १ करोड ४७ लाख ७७ हजार १२० कित्ता सेयर ५ अर्ब २९ करोड ५६ लाख रुपैयाँभन्दा बढीको कारोबार भएको छ ।
आजको बजारबारे बजार जानकार दामोदर गजुरेल भन्छन्,‘केहि दिनदेखि बढेको बजारमा आज लगानीकर्ताले नाफा बुकिङ गरेकाले बजार करेक्सन भएको हो । लगानीकर्ता पर्ख र हेरको अवस्थामा पनि थिए । यसले करेक्सन सकिएको रहेनछ भन्ने बुझियो । ’
त्यहि कारण बजार २ हजार ६० को बिन्दुसम्म परिक्षण गर्न पुनःआउन सक्ने उनले बताए । यद्यपी बजारमा डराईहाल्नुपर्ने अवस्था भने नरहेको गजुरेल बताउँछन् ।
अर्का बजार जानकार पर्वत विष्ट भन्छन्,‘बजारमा केहि सीमित कम्पनीहरु मात्रै बढाएर उचालिएको थियो । आज त्यहि कम्पनीहरुमा नाफा बुक आयो । वाणिज्य बैंकहरुको वित्तीय विवरणहरु पनि खासै राम्रो आएको छैन ।’
बढ्दो राजनीतिक अस्थिरताका कारण पनि लगानीकर्ताको मनोबल बढ्न नसककेको विष्टको विचार छ ।
यो दिन १३ वटा उपसूचकमध्ये उत्पादन तथा प्रशोधन उपसूचकमा मात्रै हरियाली छायो । यो उपसूचक ०.१४ प्रतिशतले बढेको छ ।
आज बैंकिङ उपसूचक ०.५९ प्रतिशत,विकास बैंक १.९३,वित्त १.९१,होटल २.०४,हाईड्रो १.४४,लगानी १.२८,जीवन बीमा १.३६,लघुवित्त १.०७,म्युचुअल फण्ड ०.०२,निर्जीवन बीमा १.०६ र अन्य उपसूचक ०.६४ प्रतिशतले घटेको छ ।
धेरै कारोबार गर्ने कम्पनीहरु
लगातार उच्च कारोबार भईरहेको हिमालयन रि इनस्योरेन्स कम्पनीको आज पनि सबैभन्दा धेरै कारोबार भएको छ । आज यो कम्पनीको ६३ करोड ८७ लाख बढीको सेयर कारोबार भएको छ । त्यस्तै एनआरएनको २६ करोड १ लाख,ङादी पावरको २४ करोड २६ लाख,नेपाल पुनर्बीमा कम्पनीको १९ करोड ८९ लाख र हाथवे इन्भेष्टमेन्टको ११ करोड १७ लाख बढीको कारोबार भएको छ ।
धरै कमाउने र गुमाउने कम्पनीहरु
आज दुईवटा कम्पनीको सेयरमूल्यमा मात्रै सकारात्मक सक्रिट लागेको छ । आज सामलिङ्ग पावरको सेयरमूल्य ९.८७ प्रतिशत र मन्दाकिनी हाईड्रोको सेयरमूल्य ९.६७ प्रतिशतले बढेको छ ।
यसैगरी पिपुल्स पावरको सेयरमूल्य ७.६७ प्रतिशत,रावा इनर्जीको ५.०५ र पिपुल्स हाईड्रोपावरको सेयरमूल्य ४.९१ प्रतिशतले बढेको छ ।
आज मेन्छियाम हाईड्रोको सेयरमूल्यमा सर्वाधिक गिरावट आएको छ । आज यो कम्पनीको सेयरमूल्य ५.८७ प्रतिशतले घटेको छ । यो दिन स्वाभिमान लघुवित्तको सेयरमूल्य ५.७८ र अपर स्याङदी हाईड्रोको मूल्य ५.१५ प्रतिशतले घटेको छ ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
