.gif)
_(1).gif)
.jpg)
.png)
काठमाण्डौ । राष्ट्रिय राजनीतिमा नयाँ–नयाँ घटनाक्रमहरु देखिन थालेका छन् । केही घटनाक्रमहरुले मुलुकका प्रमुख राजनीतिक शक्तिहरुबीच मूठभेड हुनसक्ने संकेतहरु पनि देखाइरहेका छन् ।
कांग्रेस र एमालेबीच राष्ट्रिय सहमतिको सरकार बनाई प्रदेश स्तरसम्मै सत्ता बाँडफाँडदेखि संविधान संसोधनसम्मका विषयमा सम्झौता भएपछि अवस्था थप पेचिलो बनेको छ ।
सोमबार मध्यराति कांग्रेस–एमालेबीच नयाँ सरकार बनाएर अगाडि बढ्ने सम्झौता भए पनि मंगलबार बिहानैदेखि अवस्था केही फरक ढंगले अगाडि बढेको देखिएको छ ।
.gif)
कांग्रेस–एमालेले आफूहरुले सहमति गरेपछि प्रधानमन्त्री पुष्पकमल दाहाल(प्रचण्ड)ले राजीनामा गरी मार्गप्रशस्त गर्ने आशा गरेका थिए । तर, प्रचण्डलाई माओवादी केन्द्रका पदाधिकारीहरुले गलेर राजीनामा नदिन र संसद फेश गर्न सुझाव दिएपछि अवस्था केही फरक ढंगको हुने अनुमान गरिएको छ । माओवादीका पदाधिकारीहरुसहित मंगलबार बिहान बालुवाटारमा बसेको बैठकले तत्काल प्रमले राजीनामा गर्न नहुने निर्णय गरेपछि दलहरुबीच मूठभेड हुने सम्भावना बढेको छ ।
तर प्रधानमन्त्री प्रचण्डले तत्काल राजीनामा नदिने, बरु संसदमा विश्वासको मत लिनेसम्मको योजना बनाउनु पछाडि उनको एक्लो आँटले मात्र काम गरेको छैन । उच्च स्रोतहरुका अनुसार प्रचण्डलाई तत्काल राजीनामा नदिने विषयमा हौसाउने काम राष्ट्रिय स्वतन्त्र पार्टीका सभापति रवि लामिछानेले गरेका छन् । रास्वपाले कांग्रेस–एमालेको सम्झौताअनुसार बन्ने सरकारमा सहभागी नहुने निर्णय गरिसकेको छ । तर, त्यसअघि नै रवि लामिछानेले प्रधानमन्त्री प्रचण्डलाई भेटेर संविधानको व्यवस्थाअनुसार १ महिनासम्म सरकार छाडिहाल्नुपर्ने बाध्यता नरहेको र यो बीचमा जनताको मन जित्ने गरी केही आक्रामक काम गर्न सकिने सुझाएका उच्च स्रोतले दाबी गरेको छ । लामिछानेको सुझावपछि नै प्रधानमन्त्री प्रचण्ड केही हौसिएका स्रोत बताउँछ ।
माओवादी केन्द्र र रास्वपाले कांग्रेस–एमाले बीचको नयाँ सत्ता समीकरण बन्नु पछाडिको प्रमुख कारण नक्कली भूटानी शरणार्थी प्रकरणका क्रममा कांग्रेस सभापति शेरबहादुर देउवाकी पत्नी आरजू देउवा नै मुछिएको र आरजूलाई पक्राउ गर्ने तयारी भइरहेको सूइँको पाएपछि सत्ता नै परिवर्तनसम्मको खेल खेलिएको भाष्य निर्माण गर्न खोजिरहेका छन् ।
यसैगरी, गिरिबन्धु टीको जग्गा प्रकरणमा एमाले अध्यक्ष केपी शर्मा ओलीलाई समेत विगतदेखि नै जोड्ने गरिएको छ । सो प्रकरणको अनुसन्धानलाई पनि तीव्र बनाई १ महिनाभित्रै आवश्यक परे ओलीसम्मलाई पक्राउ गर्नेसम्मको साहस रविले प्रचण्डलाई दिएका बुझिएको छ ।
रविले केही उच्च प्रहरी अधिकारीहरुले आफूहरुको भ्रष्टाचारविरोधी अपरेसनमा साथ दिने दाबी समेत गरेका छन् ।
रविले संविधानको व्यवस्थाअनुसार सत्ता सहयात्री दलले प्रधानमन्त्रीलाई गरेको समर्थन फिर्ता लिएको १ महिनाभित्र पुनः विश्वासको मत लिनुपर्ने हुन्छ । कांगे्रेससँग सत्ता सहकार्यको सम्झौता गरेको भए पनि एमालेले प्रचण्ड नेतृत्वको सरकारलाई दिएको समर्थन फिर्ता लिएको छैन । एमालेले समर्थन फिर्ता लिएको औपचारिक जानकारी गराएपछि पनि एकमहिनाभित्र मात्र प्रचण्डले विश्वासको मत लिनुपर्ने हुन्छ। त्यही अवधिभित्र उथलपुथल गर्ने रणनीतिमा माओवादी र रास्वपा रहेका बुझिएको छ ।
रास्वपाका सभापति तथा गृहमन्त्री रवि लामिछानेले केही दिनमै नक्कली भूटानी शरणार्थी प्रकरणमा कांग्रेस केन्द्रीय सदस्य समेत रहेकी आरजु राणा देउवालाई पक्राउ गर्ने योजना बनाएका छन् । कांग्रेस र एमालेका नेताहरु संलग्न भ्रष्टाचारका अन्य फाइलहरु समेत खोल्ने र एक एक गरी नेताहरुलाई पक्राउ गरी जनताको सहानुभूति प्राप्त गरी सत्ता छाड्ने उनीहरुको योजना छ । यसो गरिएको खण्डमा २०८४ को चुनावमा आफूहरुलाई सजिलो हुने उनीहरुको बुझाई छ । यहीकारण समेत प्रचण्डले गलेर राजीनामा दिन नचाहेका माओवादीको उच्च स्रोतले दाबी गरेको छ ।
यसैबीच, एकमहिनाको अवधिमा आफूहरुले समेत राजनीतिक चलखेल गर्न सकिने उनीहरुको विश्लेषण छ ।
कांग्रेस एमाले गठबन्धन र केपी शर्मा ओली प्रधानमन्त्री हुने विषयलाई भारतले मन नपराएको र यस्ता शक्तिहरुलाई समेत अगाडि सारेर फरक परिस्थिति निर्माणसम्म गर्न सकिने माओवादी रास्वपाको बुझाई छ । यसले समेत एकमहिनापछि संसद फेस गरेर मात्रै सरकार छाड्ने उनीहरुको योजना छ ।
.png)
.jpg)
.gif)
.gif)
.gif)
