आणविक बम हमलाबाट जोगिन सफल जापानको संगठनलाई नोबेल शान्ति पुरस्कार

काठमाण्डो । आणविक हतियार मुक्त विश्व बनाउने प्रयास स्वरुप जापानको आणविक बम आक्रमणबाट जोगिन सफल संगठन निहोन हिडान्क्योले नोबेल शान्ति पुरस्कार जितेको छ ।  

हिरोसिमा र नागासाकी पारमाणविक बम हमलाबाट बाँचेकाहरूले गरेको तल्लो तहको अभियान जसलाई हिबाकुशा पनि भनिन्छ) का कारण निहोन हिडान्क्योलाई यो वर्षको नाबेल शान्ति पुरस्कार प्रदान गरिएको हो ।  

नर्वेली नोबेल समितिले आणविक हतियारमुक्त संसार प्राप्त गर्ने प्रयासको लागि र आणविक हतियारहरू फेरि कहिल्यै प्रयोग गर्न नहुने अभियानका लागि शान्ति पुरस्कार प्राप्त गर्ने निर्णय गरिएको जनाएको छ ।  

अवार्ड समितिले अगस्ट १९४५ को आणविक बम हमलाको प्रतिक्रियामा सन् १९५६ मा स्थापना भएको तल्लो तहको अभियानले आणविक हतियारको प्रयोगबाट हुने विनाशकारी मानवीय नतिजाहरूबारे जनचेतना जगाउन अथक प्रयास गरेको बताएको छ।

निहोन हिडान्क्यो र हिबाकुशाका अन्य प्रतिनिधिहरूको असाधारण प्रयासले आणविक निषेधको स्थापनामा ठूलो योगदान पुर्याएको छ।  

नर्वेजियन नोबेल इन्स्टिच्युटले यस वर्षको पुरस्कारका लागि २८६ जना उम्मेदवार दर्ता भएको जसमा १९७ व्यक्ति र ८९ संस्था रहेको बताएको छ ।

नोबेल पुरस्कारका विजेताहरूले सामान्यतया १.०६ मिलियन डलर प्राप्त गर्नेछन् ।  

इरानी मानवअधिकार कार्यकर्ता नरगेस मोहम्मदीले ूइरानमा महिला उत्पीडन विरुद्धको लडाई र सबैका लागि मानव अधिकार र स्वतन्त्रताको प्रवर्द्धन गर्नको लागि सन् २०२३ का लागि नोबेल शान्ति पुरस्कार प्राप्त गरेका थिए ।