(2).gif)
.png)
काठमाण्डौ । दैलेखमा नेपालका लागि ५० वर्षसम्म पुग्ने ग्यासको भण्डारण हुनसक्ने एक अध्ययनले देखाएको छ । चीन सरकारको सहयोगमा दैलेखको जलजलेमा सुरु गरिएको पेट्रोलियम पदार्थ र प्राकृतिक ग्यास अन्वेषण कार्यको प्रारम्भिक नतिजामा यस्तो देखिएको हो ।
(2).gif)
.gif)
(1).gif)
नेपाल सरकालाई बुझाइएको प्रारम्भिक प्रतिवेदनमा दैलेखको जलजलेमा १ अर्ब १२ करोड घनमिटर मिथेन ग्यास हुन सक्ने उल्लेख गरिएको छ । दैलेखकै अन्य तीन स्थानमा मिथेन ग्याँसको भण्डारण भएको पनि प्रतिवेदनमा उल्लेख छ । यी सबै चारवटा भण्डारणबाट ग्याँस प्रशोधन गर्न सकेको खण्डमा नेपाललाई ५० बर्षसम्म पुग्ने प्रारम्भिक प्रतिवेदनमा उल्लेख गरिएको छ ।
दैलेखको जलजलेमा २०८० वैशाख २८ गतेदेखि चीनको सरकारी निकाय चाइना जिओलोजिकल सर्भेको भौगर्भिक अध्ययन र सीएनपीसी सीबु इन्जिनियरिङ कम्पनीले ड्रिलिङ गरेर अध्ययन सुरु गरेका थिए ।
नेपाल सरकार र चीन सरकारसँग २०७५ सालमा भएको जिटुजी सम्झौताअनुसार चीन सरकारको करिब २ अर्ब ५० करोड अनुदान लागतमा अध्ययनको काम भएको थियो ।
सन् २०१६ को मार्चमा तत्कालीन प्रधानमन्त्री केपी शर्मा ओलीको चीन भ्रमणका क्रममा दैलेखसहितका स्थानमा पेट्रोलियम पदार्थको अन्वेषण गर्ने सहमति भएको थियो।
.gif)
(1).gif)
.png)
.jpg)
.jpg)
