.gif)
_(1).gif)
.jpg)
.png)
काठमाण्डौ । फोर्ब्सले भारतीय अरबपतिहरुको सूची सार्वजनिक गरेको छ । जसमा २५ जना नयाँ धनाढ्य थपिएका छन् । यी मध्ये धनाढ्यको सूचीमा प्रवेश गर्ने एक महिलाको नाम हो, रेणुका जगतियानी ।
रेणुका भारतको धनाढ्यको सूचीमा ४४ औं स्थानमा छिन् । उनको कुल सम्पत्ति करिब ५ अर्ब डलर छ । आज उनी धनाढ्यको सूचीमा सूचीकृत भएकी छिन् । तर समय यस्तो पछि थियो जब उनका श्रीमान लण्डनको सकडमा ट्याक्सी चलाउने गर्थे ।
फोर्ब्सका अनुसार रेणुका जगतियानी ल्याण्डमार्क ग्रुपको सीईओ हुन् । उनको कुल सम्पत्ति ४.८ अर्ब डलर छ । ल्याण्डमार्क ग्रुपको कारोबार विश्वका कयौं देशमा फैलिएको छ । यसको मुख्यालय दुबईमा छ । यो कम्पनीको स्थापना रेणुकाले आफ्ना दिवंगत श्रीमान मिकी जगतियानीसँग मिलेर स्थापना गरेकी थिइन् ।
यो सफलता हासिल गर्ने क्रममा उनले जीवनमा थुप्रै उतारचढावको सामना गरेकी छिन् । रिपोर्टका अनुसार उनको श्रीमान मिकी जीवनयापनका लागि सन् १९७० को दशकमा लण्डनमा ट्याक्सी चलाउने गर्थे । त्यपछि उनी लण्डनबाट बहराइन हुँदै दुबई आएका थिए । जहाँ उनले व्यवसायको साम्राज्य खडा गर्न सफल भए ।
बहराइनमा खेलौना बेचेर व्यवसायमा भित्रिएका मिकीले दुबईमा ल्याण्डमार्क ग्रुपको स्थापना गरेर मध्य पूर्व र दक्षिण पूर्व एशियामा फेशन,इलेक्ट्रिोनिक्स,फर्नीचर रहोटल लगायतका क्षेत्रमा आफ्नो व्यवसाय विस्तार गरेका थिए । मिकीको मृत्युपछि रेणुकाले सन् १९९३ देखि व्यवसाय सम्हालेकी थिइन् । अहिले रेणुका कम्पनीको अध्यक्ष छिन् भने उनका तीन सन्तान कम्पनीको बोर्ड अफ डाइरेक्टर छन् ।
रेणुकाले व्यवसाय सम्हालेपछि आक्रामक रुपमा व्यवसायलाई विस्तार गरिन् । अहिले ग्रुपको विश्वका २१ देशमा २२ सयभन्दा बढी स्टोरहरु सञ्चालनमा छन् ।
.gif)
.png)
.jpg)
.jpg)
.png)
.gif)
.gif)
.gif)
