(1).gif)
(2).gif)
.png)
काठमाण्डौ । टेस्ला कम्पनीका मालिक तथा अमेरिकी धनाढ्य एलन मस्कले चर्चित म्यासेजिङ एप वाट्सएपमाथि गम्भिर आरोप लगाएका छन् । मस्कले वाट्सएपले दैनिक रुपमा रातको समयमा प्रयोगकर्ताको डेटा ट्रान्सफर गर्ने गरेको आरोप लगाएका हुन् ।
एलन मस्कले ट्विटरका पूर्व कर्मचारीको पोस्ट एक्स प्लेटफर्ममा रि–शेयर गर्दै यस्तो आरोप लगाएका हुन् । ती कर्मचारीले १२ घण्टाको समाचारको रिक्याप पोस्ट गरेका छन् । जसको नवौं नम्बरमा वाट्सएपले रातको समयमा प्रयोगकर्ताको डेटा एक्सपोर्ट गर्ने उल्लेख गरिएको छ । यो डेटालाई विश्लेषण गरिने र विज्ञापनका लागि प्रयोग गरिने उल्लेख गरिएको छ ।
मस्कले मेटाको आलोचना गरेको यो पहिलोपटक भने होइन । यसअघि पनि अर्थात यो महिनाको सुरुवातमा मस्कले मेटाको विज्ञापन रणनीतिका बारेमा आलोचना गरेका थिए । उनले मेटालाई लोभीको संज्ञा दिएका थिए ।
.gif)
मस्कले मेटामाथि आलोचना गरेपछि उनको पोस्टमा आलोचनात्मक कमेन्टहरु आउन थालेका छन् । केहिले भने वाट्सएपको नीति गलत भएको भन्दै उनको समर्थन गरिरहेका छन् । -एजेन्सी
.png)
.jpeg)
