त्रिशुली जलविद्युतको सेयर ‘बुलिस सेन्टिमेन्टमा’, कतिसम्म पुग्ला मूल्य ?

काठमाण्डौ । त्रिशुली जलविद्युत कम्पनी नेप्सेमा सूचीकृत नेपालका जलविद्युत कम्पनीहरु मध्ये एक हो । यो कम्पनी रन अफ द रिभरको आधारमा सञ्चालित जलविद्युत कम्पनी हो । यस कम्पनीको ६० मेगावट क्षमताको विद्युत उत्पादन क्षमता रहेको छ । सन् २०११ मा स्थापित यस कम्पनीमा नेपाल विद्युत प्राधिकरण, नेपाल दुरुसञ्चार र सर्वसाधारणको लगानी रहेको छ ।  

आधारभूत पक्षः  

यस आर्थिक वर्षको पहिलो त्रैमासिक प्रतिवेदनअनुसार कम्पनीको चूक्तापूँजी १ अर्ब ७८ करोड रुपैंया रहेको छ । कम्पनीको जगेडा कोषको आकार ६७ करोड ९४ लाख रुपैयाँले ऋणात्मक रहेको छ भने कुल पूँजी १ अर्ब १० करोड रुपैंया रहेको छ । कम्पनीको खुद मूनाफा पनि ३ करोड २७ लाख रुपैयाँले ऋणात्मक रहेको छ । यस्तै कम्पनीको प्रतिसेयर आम्दानी(ईपीएस) ८.४८ रुपैयाँ ऋणात्मक ,बुक भ्यालु ६२.०२ रुपैयाँ मात्रै रहेको यस कम्पनीको रिर्टन अन इक्विटी पनि १३.६२ रुपैयाँले नकारात्मक नै रहेको छ ।  

प्राविधिक पक्षः  

फियर एण्ड ग्रिड इन्डेक्स  

फियर एण्ड ग्रिड इन्डेक्सको आधारमा यो कम्पनी हाल बुलिस सेन्टिमेन्टमा चलेको देखिन्छ । फियर एण्ड ग्रिड इन्डेक्समा २० देखि ४० सम्म बियरिस सेन्टिमेन्टमा चलको मानिन्छ भने ४० देखि ६० देखिसम्मलाई न्यूट्रल र ६० देखि ८० सम्मलाई बुलिस भएको मानिन्छ । यस आधारमा यो कम्पनी हाल बुलिस सेन्टिमेन्टमा चलेको देखिन्छ । कम्पनीको ५२ साताको उच्च मूल्य आजको उच्च मूल्य ६७५ रुपैंया रहेको छ भने न्यून मूल्य ३८१ रुपैयाँ रहेको छ । कम्पनीमा ८० प्रतिशत स्वामित्व संस्थापक र २० प्रतिशत सर्वसाधारण समूहको रहेको छ । यस कम्पनीको सेयर ब्रोकर नम्बर ४६,७० र ७४ बाट उच्च होल्डिङ रहेको देखिन्छ ।  

बोलिङ्गर ब्याण्ड

बोलिङ्गर ब्याण्डको आधारमा यो कम्पनीको सेयर अपर ब्याण्डमा चलेको देखिन्छ । आज अपर ब्याण्डमा स्पिनिङ प्रकृतिको क्याण्डल बनेको छ । म्याक्डीमा केही समय पहिले बनको बु्लिस क्रसओभर भ्यालिड नै रहेको छ । आरएसआई ओभर बट जोन ८३ को तहमा पुगेको छ । एमएफआइले ७४ को तहमा वियरिस डाइभर्जेन्स बनाएको छ भने सेयरको मूल्य आज हालसम्मकै उच्च बिन्दुमा बन्द भएको छ ।  

पिभट् प्वइन्टः  

पिभट् मार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ६७३

प्रतिरोध २ – ६२६

प्रतिरोध १–  ५८९

पिभट् प्वइन्टः ५४३

घटेमा सपोर्ट  

सपोर्ट १– ५०६

सपोर्ट २– ४५९

सपोर्ट  ३ –४२३

निष्कर्षःआधारभूत रुपमा यो कम्पनीको अवस्था ठीकै देखिन्छ । कम्पनीको बुक भ्यालु १ सय भन्दा तल अर्थात ६२ रुपैयाँ मात्रै रहेको छ भने जगेडा कोष तथा प्रतिसेयर आम्दानी र खूद मूनाफा नकारात्मक रहेको छ । प्राविधिक रुपमा यो कम्पनी बुलिस सेन्टिमेन्टमा चलेको छ । आरएसआई तथा मनी फ्लो इन्डेक्सबाट नियाल्दा कम्पनीको सेयर भाउ ओभर बट जोनमा पुगेको देखिन्छ । पिभट् मार्फत कम्पनीको सेयर भाउ नियाल्दा तेस्रो विन्दुसम्म पुग्न सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।