मंगलबार बिहान गएको भूकम्पका कारण चीनमा कम्तीमा ३६ जनाको मृत्यु

काठमाण्डौ । मंगलबार बिहान नेपालको सीमावर्ती चिनियाँ क्षेत्रलाई केन्द्रविन्दू बनाएर गएको शक्तिशाली भूकम्पबाट चीनमा कम्तीमा ३६ जनाको मृत्यु भएको छ । 

चिनियाँ सञ्चारमाध्यमहरुका अनुसार प्रारम्भिक रुपमा प्राप्त विवरणहरुका अनुसार हालसम्म केन्द्रविन्दू आसपासका चिनियाँ क्षेत्रका घरहरु भत्किएर पुरिँदा कम्तीमा ३६ जनाको मृत्यु भएको हो । भूकम्पका कारण दिङ्गी काउन्टीको चाङ्गसुओ क्षेत्रका गाउँका दर्जनौं घरहरुभ भत्किएका छन् । 

चीनको सरकारी न्यूज च्यानल सीजीटीएनका अनुसार मृतकको संख्या अझै बढ्नसक्ने सम्भावना छ ।  

नेपाली समय अनुसार मंगलबार बिहान ६ः५० मा चीनको जिजाङ्ग प्रान्तको सिगात्सेस्थित दिङ्गी क्षेत्रलाई केन्द्रविन्दू बनाएर ७.१ म्याग्निच्यूडको भूकम्प गएको थियो ।