लिवर्टी इनर्जीको अवितरित हकप्रद सेयरमा आजदेखि खरिद आवेदन दिन सकिने

काठमाण्डौ । लिवर्टी इनर्जी कम्पनी लिटिमेडले अवितरित हकप्रद सेयर लिलामीमार्फत बिक्रीमा राखेको छ । कम्पनीले गत मंसिर १६ गतेदेखि पुस ७ गतेसम्म निष्कासन गरेको ५० प्रतिशत हकप्रद अर्थात प्रति सेयर रु.१०० अंकित दरका कुल ७५ लाख कित्तामा आवेदन नपरेको ८ लाख २६ हजार ५७४ कित्ता सेयर आजदेखि बिक्रीमा राखेको हो।  

सेयरको न्यूनतम प्रतिकित्ता मूल्य १०० रुपैयाँ निर्धारण गरिएको छ । यो सेयर खरिदका लागि जो कोही व्यक्ति तथा कम्पनीले खरिद आवेदन दिन सक्नेछन् । बोलकबोल पेश गर्दा न्यूनतम १०० कित्ताका लागि र अधिकतममा कुनै हदबन्दी नलाग्ने कम्पनीले जनाएको छ ।  

इच्छुक लगानीकर्ताले कमलादीमा रहेको बिक्री प्रबन्धक प्रभु क्यापिटल, प्रभु बैंकको विराटनगर शाखा,वीरगंज शाखा,जाउलाखेल शाखा,हेटौडा शाखा,पोखारा शाखा, बुटवल शाखा,सर्खेत शाखा र धनगढी शाखा कार्यालयमा बोलपत्र आवेदन पेश गर्नुपर्नेछ । यस्तै आवेदन माघ ९ गतेभित्र पेश गर्नुपर्नेछ ।