.gif)
_(1).gif)
.png)
काठमाण्डौ । आईफोन निर्माता कम्पनी एप्पलका दिवंगत सह–संस्थापक स्टिभ जब्सले भारतको कुम्भमेलाका बारेमा ५० वर्षअघि लेखेको चिठ्ठी ५ लाख डलर बढीमा बिक्री भएको छ । जब्सले कुम्भमेलाका बारेमा सन् १९७४ मा चिठ्ठी लेखेका थिए । उनले आफ्नो १९ औं जन्मदिन अघि उक्त पत्र लेखेका थिए ।
हस्तलिखित उक्त चिठ्ठीमा भारत र आध्यात्मिकताका बारेमा चर्चा गरिएको छ । यसमा उनले आफ्ना भावना तथा भारतमा लाग्ने गरेको कुम्भमेलामा सहभागिता जनाउने योजनाका बारेमा उल्लेख गरेका छन् । रिपोर्टका अनुसार उनले यो चिठ्ठी आफ्ना मित्र टिम ब्राउनलाई पठाएका थिए ।
स्टिभ जब्सद्वारा लेखिएको यो ५० वर्ष पुरानो चिठ्ठीलाई लिलामीमा राखिएको थियो । जब्सले लेखेको चिठ्ठी लिलामीमा राखिएको यो पहिलोपटक हो । यो चिठ्ठीलाई एक व्यक्तिले ५ लाख ३१२ डलरमा बोलि लगाएका छन् ।
उक्त चिठ्ठीमा जब्सले भारतको उत्तराखण्डमा नीम करोली बाबाको आश्रममा जाने योजना रहेको बताएका थिए । त्यस समय जब्सले भारतमा ७ महिना बिताएका थिए ।
जब्सकी पत्नी पनि यतिबेला कुम्भमेलामा सहभागि हुन भारत भ्रमणमा छिन् ।
.gif)
.png)
.png)
.jpg)
.jpg)
(1).jpg)
.gif)
.gif)
.gif)
