मौद्रिक समीक्षाले बैंकको प्रतिफलमा सुधार आउने लगानीकर्ताको विश्वास, 'गभर्नरलाई धन्यवाद'

काठमाण्डौ । नेपाल राष्ट्रबैंकले आज चालु आर्थिक वर्षको मौद्रिक नीतिको अर्धवार्षिक समीक्षा सार्वजनिक गरेको छ ।  

खासगरी नेपाल राष्ट्रबैंकले हरेक त्रैमास सकिएको ४५ दिनभित्र यस्तो समीक्षा सार्वजनिक गर्ने गरेको हुन्छ । यसपटक  यो समीक्षा यसकारण पनि लगानीकर्ताहले धेरै चासोका साथ हेरेका थिए कि राष्ट्रबैंकका गभर्नर महाप्रसाद अधिकारीको ५ वर्षे कार्यकालको यो अन्तिम मौद्रिक समीक्षा थियो । 

अर्थशस्त्री सूर्यनारायण पौडेलको बिचारमा राष्ट्रबैंकले बैंकहरुको असल कर्जाको प्रभिजन घटाएको छ । यो सकारात्मक बिषय नै हो । पौडेललको बिचारमा नेपाल राष्ट्र बैंकले समीक्षामार्फत क्षणिकभन्दा पनि दीर्घकालीन सोंच राखेको देखिन्छ ।  

नेपाल इन्भेष्टर्स फोरमका अध्यक्ष तुलसीराम ढकालले बैंकहरुलाई खराब कर्जाको नोक्सानी व्यवस्थामा गरिएको केही लचक व्यवस्थाले नाफामा साढे ४ अर्ब बराबरको  सुधार हुने र बैंकहरुको कर्जा क्षमता करिब ४० अर्बले बढ्ने बताए । ढकालले अब उहाँलाई धन्यबाद दिएर नयाँलाई स्वागत गर्नु पर्ने र नयाँ गभर्नरबाट सुधारको अपेक्षा गर्न सकिने जानकारी दिए । 

नेपाल सेयरधनी संघका अध्यक्ष घनश्याम पाण्डेले पनि लगानीकर्ताहरुले मौद्रिक नीतिको समीक्षामा ठूलो अपेक्षा नगरे पनि बैंकहरुको असल कर्जाको अनुपातलाई १.१० बाट १ प्रतिशतमा झार्नु सकारात्मक भएको बताए । अब नयाँ गभर्नरबाट सुधारको अपेक्षा गर्न सकिने बताए । पाण्डेले पनि अब उहाँ(महाप्रसाद अधिकारी)लाई धन्यबाद दिएर नयाँ गभर्नरलाई स्वागत गर्नुपर्ने बताए ।