राष्ट्रपतिबाट ४ वटा विधेयक प्रमाणीकरण

काठमाण्डौ । राष्ट्रपति रामचन्द्र पौडेलबाट ४ वटा विधेयक प्रमाणीकरण भएको छ । संघीय संसद्को दुवै सदनबाट पारित भएका चारवटा विधेयक आइतबार राष्ट्रपति पौडेलले प्रमाणीकरण गरेका हुन् ।  

राष्ट्रपतिले सुरक्षित कारोबार ऐन, २०६३ लाई संशोधन गर्न बनेको विधेयक, विद्युतीय व्यापार ( इ–कमर्स) को सम्बन्धमा व्यवस्था गर्न बनेको विधेयक, विधायन सम्बन्धमा व्यवस्था गर्न बनेको विधेयक, भ्रष्टाचार निवारण ऐन, २०५९ लाई संशोधन गर्न बनेको विधेयक प्रमाणीकरण गरेका हुन् ।  

यी चारवटै विधेयकहरु संविधानको धारा ११३ को उपधारा (२) बमोजिम विधेयक प्रमाणीकरण भएका हुन् ।