सभापोखरी हाईड्रोपावरले आईपीओ निष्कासन गर्ने

काठमाण्डौ । सभापोखरी हाईड्रोपावर लिमिटेडले आईपीओ निष्कासनको तयारी गरेको छ । कम्पनीले आईपीओ निष्कासनको मुख्य प्रस्तावसहित वार्षिक साधारण सभा डाकेको हो ।  

कम्पनीको चैत १ गते बसेको सञ्चालक समितिको बैठकले साधारण सभा डाकेको हो । बैठकले उक्त सभा आगामी चैत ३० गते काठमाण्डौ वनस्थलीमा रहेको कम्पनीको रजिष्टर्ड कार्यालयमा आयोजना गर्ने निर्णय गरेको छ ।  

सभामा कम्पनीको प्रवन्धपत्र,नियमावली तथा प्रचलित कानूनको अधिनमा रही आईपीओ निष्कासन गर्ने प्रक्रिया अघि बढाउनका लागि सञ्चालक समितिलाई अख्तियारी प्रदान गर्ने प्रस्ताव पारित गरिनेछ ।  

यस्तै सभामा कम्पनीको आर्थिक वर्ष २०८०/८१ को वार्षिक प्रतिवेदनमाथि छलफल गरी पारित गरिनुका साथै सो अवधिको वित्तीय विवरणहरु समेत पारित गरिनेछ ।