नेप्सेमा थपियो साढे ५६ लाख कित्ता बोनस सेयर

काठमाण्डौ । नेपाल स्टक एक्सचेञ्ज (नेप्से)मा साढे ५६ लाख कित्ता बोनस सेयर सूचीकृत भएको छ । आज नेप्सेमा तीन कम्पनीको आ–आफ्नै साधारण सभाबाट पारित भएको बोनस सेयर सूचीकृत भएको हो ।  

शाइन रेसुङ्गा डेभलपमेन्ट बैंकको ३ प्रतिशत दरका कुल १४ लाख २० हजार १०७ कित्ता, सर्वोत्तम सिमेन्टको ७ प्रतिशत दरका ३२ लाख ५५ हजार कित्ता र मेरो माइक्रोफाइनान्सको ७।५ प्रतिशत दरका ९ लाख ९० हजार कित्ता गरीकुल ५६ लाख ६५ हजार १०७ कित्ता सेयर थपिएको छ ।  

उक्त बोनस सेयर भोलिदेखि नै दोस्रो बजारमा कारोबार गर्न मिल्नेछ ।