नेप्सेमा थप तीन कम्पनीको बोनस सेयर सूचीकृत, कुनको कति ?

काठमाण्डौ । नेपाल स्टक एक्सचेञ्ज (नेप्से)मा थप तीन कम्पनीको बोनस सेयर सूचीकृत भएको । सांग्रिला डेभलपमेन्ट बैंक, चिलिमे हाइड्रोपावर र सुपरमाई हाइड्रोपावरको आ–आफ्नै साधारण सभाबाट पारित भएको बोनस सेयर सूचीकृत भएको हो ।

सांग्रिला डेभलपमेन्ट बैंकको ३.६५१६ प्रतिशत दरको कुल १२ लाख ५२ हजार ८४४ कित्ता सेयर, चिलिमे हाइड्रोपावरको ७९ लाख ८३ हजार ९९७ कित्ता र सुपरमाई हाइड्रोपावरको ३ लाख ५० हजार कित्ता बोनस सेयर सूचीकृत भएको हो ।

योसँगै सांग्रिला डेभलपमेन्ट बैंकको नेप्सेमा सूचीकृत सेयर संख्या ३ करोड ५५ लाख ६२ हजार ५६८ कित्ता, चिलिमेको ८ करोड ७८ लाख २३ हजार ९७४ कित्ता र सुपरमाई हाइड्रोको ५३ लाख ५० हजार कित्ता पुगेको छ ।

सूचीकृत भएको बोनस सेयर भोलिदेखि नै सेयरबजारमा कारोबार गर्न मिल्नेछ ।