आगामी साता पनि सेयरबजार ४ दिन मात्रै खुल्ने

काठमाण्डौ । आगामी साता सेयर बजार ४ दिन मात्र खुल्ने भएको छ ।  

सरकारले चैत २४ गते आईतबारको दिन सार्वजनिक विदा दिएसँगै आगामी साता सेयर कारोबार ४ दिन मात्र खुल्ने भएको हो ।

चैत २४ गते आइतबारको दिन रामनवमी पर्व परेको छ । त्यसकै अवसरमा सरकारले बुधबार राजपत्रमा सूचना प्रकाशित गरी विदा हुने जानकारी गराएको छ । 

 चालु साता पनि सेयर बजार ४ दिन मात्र कारोबार हुनेछ । सोमबार इदका कारण सार्वजनिक विदा दिइएको थियो । यो साताको अन्तिम कारोबार दिन भोलि(बिहीबार) रहेको छ ।