आज रामनवमी पर्व, सेयर बजार बन्द रहने

काठमाण्डौ । आज हिन्दु धर्मावलम्बीहरुले रामनवमी पर्व मनाउदै छन् । त्रेतायुगमा अयोध्यामा राजा दशरथ र रानी कौशल्यावतीको सुपुत्रका रूपमा भगवान् श्रीरामको जन्म भएको दिनको रुपमा चैत्र शुक्ल नवमीका दिन रामनवमी पर्व मनाइने गरिन्छ ।  

यस अवसर्मा आज नदी, ताल तथा कुण्डहरूमा स्नानका साथ व्रत बसी रामगीता पाठ, अध्यात्म, वाल्मीकीय, तुलसीकृत र भानुभक्तीय रामायण वाचन गर्ने र भगवान् रामको पूजा आराधना गरी रातभरि भजनकीर्तन गर्ने गरिन्छ ।  

रामनवमी पर्वमा आज सरकारले सार्वजनिक बिदा दिएको छ । गत चैत ५ गते बसेको मन्त्रिपरिषद् बैठकले रामनवमी पर्वको अवसरमा सार्वजनिक बिदा दिने निर्णय गरेको थियो ।  

यसर्थ आज सेयरबजार लगायतका सरकारी कार्यालय,वित्तीय संस्था तथा शैक्षिक संस्थाहरु बन्द रहेन छन् ।