.gif)
(2).gif)
_(1).gif)
.png)
काठमाण्डौ । भक्तपुर उद्योग वाणिज्य संघको आयोजना र उद्योग तथा वाणिज्य कार्यालय भक्तपुरको सहकार्यमा यही असार ६ र ७ गते भक्तपुर औद्योगिक प्रवद्र्धन व्यापार मेला र असार ८ गते स्थानीय सीप तथा उत्पादन व्यापार मेला हुने भएको छ ।
भक्तपुर जिल्लाका मौलिक उत्पादन एवं स्थानीय स्रोत र साधनबाट उत्पादित हस्तकलाका सामानहरुलाई राष्ट्रिय तथा अन्तर्राष्ट्रिय स्तरमा बजार प्रवद्र्धन गर्न र उद्योग, व्यापार, कृषि, पर्यटन, संस्कृतिको प्रवद्र्धन गरी जिल्लाको आर्थिक विकासमा टेवा पु¥याउने उद्देश्यका साथ सांस्कृतिक एवं पर्यटकीय नगरी भक्तपुर जिल्लाको भक्तपुर नगरपालिका, कमलविनायकस्थित स्टार बैंक्वेटमा मेला हुन लागेको हो । मेलामा करिव ५० हजार जनाले अवलोकन गर्ने अपेक्षा गरिएको छ ।
मेलामा मौलिक हस्तकलाका उत्पादनहरु, कृषि उत्पादनहरु, साना तथा मझौला उद्यमीहरुद्वारा उत्पादित सामग्रीहरु, चित्रकला, मूर्तिकलाको प्रदर्शनी लगायतका स्टलहरु रहने छन् । यसैगरी, मेलामा स्थानीय खानाका स्टलहरु समेत रहने छन् । मेलामा ४० भन्दा बढी स्टल रहने छन् । जसमध्ये शत प्रतिशत बुकिङ भइसकेको छ । मेलामा भक्तपुर जिल्ला लगायत छिमेकी जिल्लाबाट पनि उल्लेखनीय स्टल सहभागिता रहनेछ ।
.gif)
मेलामा स्थानीय सीप हस्तान्तरण तथा जगेर्ना गर्ने उद्देश्यले हस्तकलाका सामग्री निर्माण, पौभा पेन्टिङ, मुकुण्डो बनाउने, माटोका भाडाकुँडा बनाउने, चित्र, मूर्ति बनाउने कार्य प्रत्यक्ष रुपमा प्रदर्शनी हुनेछ । मेलामा बालबालिकाहरुलाई मनोरञ्जनको लागि बाल उद्यानको व्यवस्था गरिएको छ ।
मेलाका लक्षित आगन्तुकहरुमा विशेषगरी आन्तरिक तथा वाह्य पर्यटकहरु, दैनिक उपभोग्य सामग्रीका उपभोक्ताहरु, हस्तकला व्यवसायीहरु, थोक तथा खुद्रा व्यवसायीहरु, विभिन्न संघ संस्थाहरु, सरकारी निकायहरु, स्थानीय खानाका पारखीहरु, बैंक, वित्तीय संस्था र सहकारी संस्थाहरु, विद्यार्थीहरु लगायत रहेका छन् ।
मेलामा प्रदर्शन गरिएका सामग्रीहरुको सुरक्षार्थ २४ सैं घण्टा सुरक्षा गार्डहरु मेला परिसर भित्र तैनाथ हुने छन् भने रु. १ करोडसम्म बीमा व्यवस्था गरिएको छ । मेला व्यवस्थापनका लागि स्वयंसेवकहरु पनि खटिने छन् ।
नेपाल उद्योग वाणिज्य महासंघ मेलाको सहयोगी निकाय रहेको छ । मेलाको प्रवद्र्धकमा चाँगुनारायण नगरपालिका कार्यालय रहेको छ भने सोसियल पार्टनरमा लायन्स इन्टरनेसनल र ब्लड डोनर्स एशोसिएसन नेपाल रहेका छन् । सञ्चार साझेदारका रुपमा ङातापोल एक्सप्रेस दैनिक, नमस्ते ख्वप एचडी, भक्तपुर एफएम र भादगाउँ टेलिभिजन रहेका छन् । मेलाको इन्स्योरेन्स पार्टनरका रुपमा युनाइटेड अजोड इस्योरेन्स लिमिटेड र सिटिजन लाइफ इन्स्योरेन्स रहेका छन् भने इन्ट्रोडक्सन ट्रेड सोज नेपाल प्राइभेट लिमिटेडले मेला व्यवस्थापन गर्ने जिम्मेवारी लिएको छ ।
मेला अवलोकनको लागि निःशुल्क प्रवेशको व्यवस्था गरिएको छ । मेला अवधिभर प्रत्येक दिन बिहान १० बजेदेखि दिउँसो २ बजेसम्म रक्तदान कार्यक्रम समेत राखिएको छ ।
.png)
.jpg)
.jpg)
.jpg)
.jpg)
(1).gif)
.gif)
