.gif)
_(1).gif)
.png)
काठमाण्डौ । सरकाले आज ग्याल्पो ल्होसारको अवसरमा देशभर सार्वजनिक बिदा दिएको छ । तर शेर्पा समुदायले भने आज ग्याल्पो ल्होसार नभएको जनाएको छ । नेपाल शेर्पा संघ ताप्लेजुङ कार्यसमितिले आज ग्याल्पो ल्होसार नभएको र शेर्पा समूदायले गत माघ २७ गते नै ग्याल्पो ल्होसार मनाईसकेको जनाएको छ ।
(1).gif)
नेपाल शेर्पा संघ जिल्ला कार्य समितिका अध्यक्ष पासाङ रिता शेर्पा, शेर्पा सञ्चार समूहका अध्यक्ष तेञ्जिङ शेर्पा, हिमालयन शेर्पा सांस्कृतिक केन्द्रका अध्यक्ष मिङ्मा खाण्डु शेर्पा र नेपाल शेर्पा विद्यार्थी संघका अध्यक्ष मिङ्मा दिकी शेर्पा नेतृत्वको टोली ताप्लेजुङ जिल्ला प्रशासन कार्यालय गई यस विषयमा प्रमुख जिल्ला अधिकारीलाई यस विषयमा अवगत गराउँदै विज्ञप्ती बुझाएका थिए । उनीहरूले भविष्यमा यस्तो गल्ती नगर्न प्रमुख जिल्ला अधिकारीमार्फत सरकारको ध्यानाकर्षण समेत गराएका छन् ।
नेपाल पञ्चांग निर्णायक विकास समितिले तयार गरी प्रकाशन गर्ने पात्रोमा बौद्धमार्गीहरुको महत्वपूर्ण चाडपर्वहरुको तिथिमितिहरुलाई नजरअन्दाज गरिएको विज्ञप्तीमा उल्लेख गरिएको छ । ‘यस वर्ष शेर्पाहरुको महान चाड २१५१ औं ग्याल्पो ल्होसार गत माघ २७ गतेका दिन परेको भएता पनि पञ्चाङग निर्णायक विकास समितिले तयार गरेको पात्रोलाई आधार मानेर नेपाल सरकारले फागुन २८ गते ग्याल्पो ल्होसार भनेर सार्वजनिक बिदा उल्लेख गरी समग्र बौद्ध मार्गीहरुको चाडपर्वको तिथि नै भ्रममा पारिएको छ । यस विषयमा गम्भिर आपत्तिजनाउँदै आगामी दिनमा यस्तो गल्ती नगर्न प्रमुख जिल्ला अधिकारीमार्फत नेपाल सरकारलाई ध्यानाकर्षण गराउदछौं ।’विज्ञप्तीमा उल्लख गरिएको छ ।
.gif)
.png)
.jpg)
.png)
.jpg)
.jpg)
.gif)
.gif)
