(1).gif)
(2).gif)
(2).jpg)
(1).gif)
.png)
काठमाण्डौ । म्युचुअल फण्डहरुको खुद नाफा शतप्रतिशत घटेको छ । चालु आवको साउन महिनामा सञ्चालनमा रहेका म्युचुअल फण्डहरुले १० करोड ८७ लाख ७३ हजार रुपैयाँ मात्रै नाफा कमाएका हुन् ।
यो नाफा असार महिनाको तुलनामा ९८.४७ प्रतिशत कम हो । असार मसान्तसम्म फण्डहरुले ७ अर्ब १० करोड २७ लाख रुपैयाँ नाफा कमाएका थिए ।
सो अवधिसम्म आइपुग्दा २९ वटा फण्ड नाफामा रहेका छन् भने १६ म्युचुअल फण्ड घाटामा देखिएका छन् । नाफामा रहेका फण्डहरुको पनि असार महिनाको तुलनामा नाफा ह्वात्तै घटेको छ ।
.gif)
.gif)
असार महिनाको अन्तिम कारोबार दिनसम्म २७९४.९४ विन्दुमार रहेको नेप्से परिसूचक साउन महिनाको अन्तिम कारोबार दिनसम्म २७८९.३४ विन्दुमा कायम भएको छ । यसर्थ असारको तुलनामा साउनमा नेप्से परिसूचक ०.२० प्रतिशतले घटेको छ ।
सेयरबजार घटेसँगै म्युचुअल फण्डहरुको नाफामा गिरावट आएको हो । यता अघिल्लो महिनाहरुमा उल्लेख्य नाफा कमाउने म्युचुअल फण्डहरुले नै सबैभन्दा धेरै घाटा ब्यहोरेका छन् ।
साउन महिनामा सबैभन्दा बढी नाफा कमाउने फण्डमा सनराइज फोकस्ड इक्विटी रहेको छ । फण्डले ८ करोड रुपैयाँ नाफा कमाएको छ । यो नाफा असार मसान्तसम्मको तुलनामा ६१.७७ प्रतिशत कम हो ।
त्यस्तै, सबैभन्दा बढी घाटा ब्यहोर्ने फण्डमा भने एनआइबीएल समृद्धि योजना–२ रहेको छ । यो फण्डले साउन महिनामा १३ करोड ४४ लाख रुपैयाँ घाटा ब्यहोरेको छ ।
अधिकांशको न्याभमा गिरावट
म्युचुअल फण्डहरुको नाफा प्रभावित देखिएसँगै प्रतिइकाई खुद सम्पत्ति मूल्य ९न्याभ०मा समेत गिरावट आएको छ । म्युचुअल फण्डहरुको न्याभ एक महत्वपूर्ण सूचक हो । यो सूचकले सिँगो फण्डको सम्पत्ति मूल्यको भ्यालु देखाउने हुँदा यो महत्वपूर्ण सूचक मानिन्छ ।
सबैभन्दा बढी न्याभ प्रभु स्मार्ट फण्डको १३.४२ रुपैयाँ छ । तर यो फण्डको न्याभ असार महिनाको तुलनामा ०.११ रुपैयाँ घटेको छ ।
साउन महिनामा १६ म्युचुअल फण्डको न्याभ असारको तुलनामा बढेको छ, तीन फण्डको न्याभ तटस्थ र २६ फण्डको न्याभमा गिरावट आएको छ । सबैभन्दा थोरै न्याभ सनराइज ब्लुचिप फण्डको १०.१० रुपैयाँ छ ।
सेयरबजारमा रु.४५.२८ अर्बको लगानी
साउन महिनामा म्युचुअल फण्डहरुको सेयरबजारमा कुल ४५ अर्ब २८ करोड रुपैयाँ लगानी रहेको छ । यो लगानी असार महिनाको तुलनामा सामान्य कम हो ।
असार महिनामा म्युचुअल फण्डहरुको सेयरबजारमा ४५ अर्ब ६० करोड रुपैयाँ लगानी रहेको थियो ।
असारको तुलनामा १९ फण्डको सेयरबजारमा गरिएको लगानी भ्यालु बढेको छ भने २६ फण्डको लगानी भ्यालु घटेको छ ।
सबैभन्दा धेरै लगानी एनआइबीएल सहभागीता फण्डको रहेको छ । यो फण्डको मात्रै सेयरबजारमा ६ अर्ब ९८ लाख रुपैयाँ लगानी रहेको छ । फण्डको लगानी असारको तुलनामा २२.०५ प्रतिशत बढेको छ ।
सबैभन्दा थोरै लगानी शुभ लक्ष्मी कोषको जम्मा ३६ करोड ३७ लाख रुपैयाँ रहेको छ । यो फण्डको लगानी भ्यालु ३.०३ प्रतिशत घटेको छ ।
.png)
(238).jpg)
.png)
.jpg)
