.gif)
(1).gif)
(2).gif)
.jpg)
.gif)
.png)
काठमाण्डौ । श्रीनगर एग्रोटेक इण्डष्ट्रिज लिमिटेडको आईपीओ बाँडफाँड भएको छ । कम्पनीले गत भदौ ११ गतेदेखि भदौ १५ गतेसम्म वैदेशिक रोजगारीमा रहेका नेपालीका लागि जारी गरिएको आईपीओ आज बिक्री प्रबन्धक नबिल इन्भेष्टमेन्ट बैंकिङको कार्यालयमा बाँडफाँड भएको हो ।
उक्त आईपीओमा ६४ हजार ८१२ जना आवेदकले १० लाख १५ हजार ४७० कित्ता सेयरका लागि आवेदन दिएका छन् । जसमध्ये ६४ हजार ७९९ सदर आवेदकबाट परेको १० लाख १५ हजार २६० कित्ताका लागि आवेदन परेको छ ।
यसरी १३ जना आवेदकबाट २१० कित्ताका लागि परेको आवेदन बदर भएको छ । यो आईपीओमा न्यूनतम १० कित्तादेखि अधिकतम ५ हजार कित्तासम्म आवेदन दिन सकिने व्यवस्था गरिएको थियो ।
बिक्री प्रबन्धक नबिल इन्भेष्टमेन्ट बैंकिङका अनुसार मागभन्दा बढी आवेदन परेकाले उक्त आईपीओ बाँडफाँड गोलाप्रथा विधिबाट भएको छ । जसअनुसार ३० हजार ९९३ आवेदकलाई १० कित्ताका दरले ३ लाख ९ हजार ९३० कित्ता बाँडफाँड भएको छ । बाँकी ८ जनालाई भने थप १/१ कित्ताका दरले ८ कित्ता बाँडफाँड भएको बिक्री प्रबन्धकले जनाएको छ ।
कम्पनीले नेपाल धितोपत्र बोर्डबाट गत साउन १३ गते ३२ करोड ६२ लाख ५० हजार रुपैयाँबराबरको प्रति सेयर रू. १०० अंकित दरका ३२ लाख ६२ हजार ५ सय कित्ता साधारण सेयर निष्कासन गर्न अनुमति पाएको थियो ।
जसमध्ये जारीपूँजीको १ प्रतिशत अर्थात रु. १०० अंकित दरका १ लाख ६३ हजार १२५ सय कित्ता उद्योग प्रभावित क्षेत्र रुपन्देही र पाल्पा जिल्लाका स्थानिय बासिन्दाका लागि र सर्वसाधारणका लागि छुट्टाइएको ३० लाख ९९ हजार ३७५ कित्ता सेयरमध्येको १० प्रतिशत अर्थात रु. १०० अंकित दरका ३ लाख ९ हजार ९३८ कित्ता सेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगारी गरिरहेका नेपालीहरुका लागि जारी गरिएको थियो ।
(2).gif)
.gif)
.png)
.png)
(254).jpg)
(217).jpg)
(231).jpg)
.jpg)
