जेनजीमाथि देशभर बल प्रयोग, इटहरीमा गोली चल्यो, पोखरामा गोली लागेर ५ घाइते

काठमाण्डौ । जेनजीको प्रदर्शनका क्रममा सरकारले काठमाण्डौमा मात्र नभई देशभर बल प्रयोग गरेको पाइएको छ ।  

काठमाण्डौको बानेश्वर क्षेत्रको प्रदर्शनमा सुरक्षाकर्मीले चलाएको गोली लागी हालसम्म १४ जनाको मृत्यु भइसकेको छ । डेढसय बढी घाइते छन् । 

प्रहरीले काठमाण्डौमा मात्र नभई प्रधानमन्त्रीको गृहनगर दमक, सुनसरीको इटहरी र पोखरामा समेत गोली चलाएको छ । इटहरीमा भर्खरै झडपको क्रममा प्रहरीले गोली चलाएको छ । त्यहाँ स्थानीय प्रशासनले निषेधाज्ञाको तयारी गरिरहेको छ । 

उता, पोखरामा समेत प्रहरीले प्रदर्शनकारीमाथि गोली प्रहार गरेको छ । सो क्रममा ५ जना प्रदर्शनकारीलाई गोली लागेको छ । गोली लागी घाइतेमध्ये केहीको अवस्था गम्भीर छ ।  

प्रहरीको लाठी प्रहार तथा आपसी ढुंगा हानाहानबाट घाइते हुनेको संख्या ३५ रहेको कास्की प्रहरीले जनाएको छ ।