काठमाण्डौमा मंगलबार पनि गोली लागेर एक जेनजी प्रदर्शनकारीको मृत्यु

काठमाण्डौ । जेन–जी आन्दोलनको दोस्रो दिन मंगलबार पनि काठमाडौँमा प्रहरीको गोली लागेर थप एक जनाको मृत्यु भएको छ।

निजामती कर्मचारी (सिभिल) अस्पतालमा उपचारका क्रममा ५१ घाइतेमध्ये एक जनाको मृत्यु भएको अस्पताल प्रशासनले जानकारी दिएको छ।

यसअघि सोमबार बानेश्वरमा प्रहरीको गोली लागेर १७ जनाको मृत्यु भएको थियो। मंगलबारको घटनासँगै काठमाडौँमा मात्रै प्रहरीको गोलीबाट मारिनेको संख्या १८ पुगेको छ।

साथै, सोमबार इटहरीमा मारिएका २ जनासमेत समेट्दा आन्दोलनकारीको कुल मृत्यु संख्या २० पुगेको छ। सयौं घाइते भएका छन् ।