(1).gif)
(2).gif)
.png)
काठमाण्डौ । देशमा सिर्जित असहज राजनीतिक घटनाक्रमका कारण यतिबेला सेयर बजार बन्द रहेको छ । मंगलबार देखि बन्द रहेको बजार यो साताभर बन्द रहने नेप्सेले जनाएको छ । यो सँगै घरमा थुनिएका लगानीकर्ता फुर्सदिला बनेका छन् । यो समयलाई लगानीकर्ताले सेयरबजारसँग सम्बन्धित फिल्म र पुस्तक पढेर फलदायी बनाउन सक्छन् ।
फिल्म केबल मनोरञ्जनका लागि मात्रै नभएर ज्ञान हासिल गर्ने माध्यम पनि हो । सेयर बजारसँग सम्बन्धित नेपाली चलचित्र नबनेता पनि हिन्दी तथा अंगे्रजी भाषामा भने निकै फिल्म बनेका छन् । उदाहरणका लागि हिन्दी फिल्म ‘गफ्ला’ सेयरबजार सम्बन्धी एउटा उत्कृष्ट फिल्म मानिन्छ ।
.gif)
यो फिल्ममा एउटा सामान्य बेरोजगार परिवारको व्यक्ति कसरी सेयर बजारबाट मालामाल बन्छ भन्ने कथा देखाइएको छ । यस्तै यो फिल्ममा सेयबाजरमा ठूला महत्वाकांक्षा र घमण्डले कसरी पैसा स्वाहा पनि हुन सक्छ भन्ने देखाएइको छ ।
यस फिल्ममा सुबोध नाम गरेका एक युवा लगानीकर्ता हुन्छन् । उनमा सेयर बजारको यस्तो नसा हुन्छ कि उनी रगत बेचेको पैसा लगानी गरेर सेयर बजार प्रवेश गर्छन् । उक्त पैसाले नपुगेपछि आफ्नो परिवारको गरगहना पनि बेचेर सेयर बजारमा लगानी गर्छन् ।
विस्तारै सेयर बजारमा चर्चित हुन थाले पछि पोर्टफोलियो ब्यबस्थापनको पनि काम गर्ने गर्छन । त्यही बीचमा एकजना महिला पत्रकारसँग उनको प्रेम पर्छ । तर त्यो बेलासम्म सुबोधको निकै हाइट बढी सेकेको हुन्छ । त्यसैले उनले आफ्नी प्रेमिकासँग विवाह गर्दैनन् ।
सुबोधको एक घरानिया परिवारमा विवाह हुन्छ । तर पछि तिनै पूर्व प्रेमिकाले करछलीको समाचार लेखेपछि सुबोधको जिन्दगीको आरोलो यात्रा सुरु हुन्छ । यसरी यस फिल्ममा एक पत्रकार र लगानीकर्ताबीचको सम्बन्धलाई निकै रोचक ढंगले प्रस्तुत गरिएको छ ।
यी हुन् हिन्दी र अंग्रेजीमा भाषामा निमार्ण भएका केही उत्कृष्ट चलचित्रः
१ ) बजार
२) स्क्याम १९९२
३) द बिग बुल
४) मार्जिन कल
५ ) ट्रेडिङ प्लेस
६) द क्रयास १९९२
७ ) बैंकिड अन बिट्क्वाइन
८ ) इक्विटी
९ ) रफ ट्रेडर
१० ) द वल्फ अफ वाल स्ट्रिट
११ द बिग शर्ट
यी त भए सेयरबजारसँग सम्बन्धित चर्चित चलचित्रहरु । बजारमा लगानीकर्ताहरुले नेपाली तथा अंग्रेजी भाषाका सेयरबजारसँग सम्बन्धित केही पुस्तक पनि अनलाइन मार्फन नै पढ्न पनि सक्छन् । जसमा रवीन्द्र भट्टराइले लेखेका पुस्तक ‘सेयरको अधारभूत विश्लेषण’ र ‘सेयर , कमोडिटिज तथा डेरिभेटिभ बजारको प्राविधिण विश्लेषण’ जस्ता पुस्तक उत्तम छनौट हुन सक्छन् ।
त्यसैगरि, अंग्रेजी भाषाका बेन्जामिन ग्रहामले लेखेको ‘द इन्टेलिजेन्ट इन्भेष्टर’, जोन जे मूर्फिले लेखेको ‘टेक्टिकल एनलाइसिस् अफ द फाइनान्सियल मार्केट’ पनि उत्तम विकल्प हुन सक्छन् । यी पुस्तक लगानीकर्ताहरुले अनलाइन मार्फत घरमा नै बसेर अध्ययन गर्न सक्छन् ।
.png)
.jpg)
.jpg)
