.gif)
(1).gif)
(2).gif)
.jpg)
.gif)
.png)
काठमाण्डौ । नेपाल समुद्रपार निकासी पैठारी संघले युवा पुस्ताले भ्रष्टाचार नियन्त्रण, सुशासन र वाक् स्वन्त्रताको पक्षमा आह्वान गरेको प्रदर्शनका क्रममा भएको अकल्पनीयजन धनको क्षतिप्रति नेपाल समुद्रपार निकासी पैठारी संघ गहिरो दुःख व्यक्त गरेको गरेको छ । आन्दोलनका क्रममा ज्यान गुमाउनेप्रति श्रद्धाञ्जली अर्पण गर्दै शोकाकुल परिवारजनमा समवेदना समेत प्रकट गरेको छ ।
प्रदर्शनका क्रममाउद्यमी, व्यवसायी, उद्योग, प्रतिष्ठान, तिनका कार्यालय एवं निवासलाई तोडफोड एवं आगजनीको निशाना बनाइएबाट उद्यमी व्यवसायी भयभीत भएकाले यस्ता घटनाबाट दीर्घकालसम्म व्यवसायमा हुने स्वदेशी र विदेशी लगानी प्रभावित हुने र समृद्धिको यात्रामा अवरोध आउने संघको ठहर छ ।
अहिलेको जटिल अवस्थामा व्यावसायिक कर्तव्यबोधका साथ अघि बढ्न र अत्यावश्यकीय वस्तुको आपूर्ति शृंखला खल्बलिन नदिन सम्पूर्ण सदस्य तथा गैरसदस्य व्यवसायीहरुमा अपिल गरिएको छ । यसमा समन्वय र सहजीकरणगरिदिन सरोकारवालालाई आग्रह गर्दै संघले सम्पूर्ण सरकारी निकाय र कार्यालयहरु तत्कालै काममा फर्किंदा सहजीकरणको वातावरण बन्ने संघले अपेक्षा गरेको छ ।
संघले अहिलेको तरल अवस्था चाँडै नै अन्त्यभई युवा पुस्ताको चाहनाबमोजिमको समृद्धियात्रामा देश अगाडि बढ्ने अपेक्षा समेत गरेको छ ।
यस्तै संघले सुशासन र समृद्धिको दिशामा सरकोकारवालापक्षसँग समन्वय र सहकार्य गर्न सदैव तयार रहने प्रतिबद्धता पनि व्यक्त गरेको छ । देशका लागि अझ बढी वित्तीय स्रोत र अझबढी रोजगारी आवश्यक परेको यो अवस्थामा नियमित रुपमा उद्यम व्यवसाय चल्ने वातावरणको निम्ति अपरिहार्य शान्ति सुरक्षाको प्रबन्ध यथाशीघ्र मिलाउन संघ सम्बद्ध सबै पक्षलाई अपिल गरेको छ ।
‘अर्थतन्त्रको चालक शक्ति निजी क्षेत्रका व्यावसायिक गतिविधि भय रहित वातावरणमा निर्धक्कसँग चल्न नसकेमा अर्थतन्त्रमा थप समस्या आउने निश्चित छ । त्यसैले सर्वप्रथम आम सर्वसाधारण तथा उद्यमी व्यवसायीले निर्वाध रुपमा पेसा व्यवसायगर्न सक्ने वातावरण निर्माणको लागि सुरक्षा व्यवस्था सुदृढ बनाउन आग्रह गर्दछौं,’ संघले भनेको छ ।
निषेधाज्ञा एवं कफ्र्युका बेला अत्यावश्कीय सेवा दिने पेसाकर्मीको आवतजावत तथा औषधि, खाद्यान्न, दूध, पानी, फलफूल, तरकारी, पेट्रोलियम पदार्थ जस्ताअत्यावश्यकीय वस्तुको ओसारपसारमा सहजीकरण सम्बद्ध निकायलाई आग्रह समेत संघले गरेको छ ।
(2).gif)
.gif)
.png)
.jpg)
.jpg)
(1).jpg)
