बागमति र मनोहराको जलसतह सतर्कता तहभन्दा माथि, आज साँझ र राति जोखिम थप बढ्ने

काठमाण्डौ । काठमाण्डौ उपत्यका लगायत आसपासका नदी नालामा जलसतह बढ्ने क्रम तीव्र भएको छ ।  

जल तथा मौसम विज्ञान विभागका अनुसार काभ्रेको रोसी, काठमाण्डौको मनोहरा र बागमति, मकवानपुरको लालबकैयामा जल सतह सतर्कता तह माथि रहेको र सतह अझै बढ्ने क्रममा रहेको जनाएको छ । 

'बागमती प्रदेश र मधेश प्रदेश भएर बहने प्राय सवै नदी नाला सतर्कता तह नजिक र बढ्दो।' बाढीको रेगुलर अलर्टमा भनिएको छः 'आज साँझ र राति जोखिम थप बढ्ने।'

काठमाण्डौसहित देशका धेरै भूभागमा हिजो रातिदेखि नै लगातार वर्षा भइरहेको छ। मधेशका १० स्थानमा अति भारी वर्षाको रेकर्ड गरिएको छ भने काठमाण्डौ र आसपासको क्षेत्रमा आज राति १० बजेदेखि भोलि बिहानसम्म अति भारी वर्षा हुने अनुमान गरिएको छ ।